قىز جول بويىنا جاقىن ماڭدا تۇرعان اسكەري قىزمەتشىلەردەن كومەك سۇرادى. جاعداي شۇعىل ارەكەتتى تالاپ ەتتى. ۇلاندىقتار بىردەن ىسكە كىرىستى.

اعا لەيتەنانت باعلان تاتەي، لەيتەنانت ادىلەت مۇراتوۆ جانە قاتارداعى جاۋىنگەر دانيال سارسەنعاليەۆ زارداپ شەككەن قىزدى قاۋىپسىز جەرگە شىعارىپ، العاشقى مەديتسينالىق كومەك كورسەتتى. 

- ءبىز كەلگەن كەزدە قىزدىڭ جاعدايى وتە اۋىر ەكەنى بىردەن بايقالدى. ول تەڭسەلىپ، ارەڭ ءجۇرىپ كەلە جاتتى. ءبىز ونى جول جيەگىنەن الىپ كەتىپ، جاراقات الۋ قاۋپىن بولدىرماۋعا تىرىستىق. ەپيلەپسيا ۇستاماسىنا ۇقساس جاعداي بولدى: قولدارى قالتىراپ، كوزى بۇلدىراپ تۇردى. ءبىز ونى ءبىر قىرىنان جاتقىزىپ، باسىن ۇستادىق، ەسىنەن تانىپ قالماۋى ءۇشىن ۇنەمى سويلەسىپ وتىردىق. ەڭ باستىسى – ونىڭ قۇلاپ، وزىنە زاقىم كەلتىرىپ الۋىنا جول بەرمەۋ ەدى، - دەيدى اعا لەيتەنانت باعلان تاتەي.

كۋاگەرلەردىڭ ايتۋىنشا، قىزدا ەپيلەپسيا ۇستاماسىنىڭ بەلگىلەرى بايقالعان. اسكەري قىزمەتشىلەر جەدەل جاردەم شاقىرىپ، دارىگەرلەر قىزدى قالالىق اۋرۋحاناعا جەتكىزدى.

بۇل وقيعا ۇلتتىق ۇلان اسكەري قىزمەتشىلەرىنىڭ تەك قوعامدىق ءتارتىپتى ساقتاپ قانا قويماي، توتەنشە جاعدايلاردا ازاماتتاردىڭ سەنىمدى قورعانى ەكەنىن تاعى ءبىر مارتە كورسەتتى.

ۇلاندىقتار – قاۋىپسىزدىكتىڭ كەپىلى. ولار كۇن سايىنعى قىزمەتىمەن ەرلىككە دايىن ەكەندەرىن دالەلدەپ كەلەدى.

ۇلتتىق ۇلانىنىڭ ءباسپاسوز قىزمەتى