بالا كەزىندە يلۆيرا سارسەكباەۆا اجەسىنىڭ تىزەسىنە وتىرىپ الىپ، قىرتىستان ءاجىم تارتقان اجەسىنىڭ بەتىن سيپاپ، ساۋساعىمەن تەرىسىن تارىلتقان ەكەن.

شىنىن ايتقاندا، 90-شى جىلدارى كوسمەتولوگيا سياقتى بيزنەس ءتۇرى ءبىز ءۇشىن تاڭسىز ەدى. ول تۋرا 25 جىلدان كەيىن جۇزدەگەن ايەلگە جاستىق شاقتارىن قايتارۋ ماقساتىندا سالون اشىپ، جەكە كاسىپپەن اينالىساتىنىن بىلمەگەن.

مەديتسيناعا جول بۇرىننان بار ەدى

يلۆيرا تابيعاتى اسەم- تاشكەنتتە دارىگەر مەن مۇعالىمنىڭ وتباسىندا دۇنيەگە كەلگەن. جاس كەزىندە -اق ول بولاشاقتا مەديتسيناعا باراتىنىن ءتۇسىندى. بىراق، شىعىستىق قۇندىلىقتاردى ۇستاناتىن وتباسىنىڭ پىكىرىنشە، ەڭ الدىمەن قىزدىڭ تۇرمىسقا شىعۋى ماڭىزدىراق. ال، وقۋ دەپ جۇرگەندە كەيىن جالعىز قالىپ قويۋ قاۋپى بارى انىق... سەبەبى، مەديتسينالىق ۋنيۆەرسيتەتتە وقۋ ءۇشىن باس-اياعى 8 جىل ۋاقىت كەرەك بولادى. سول سەبەپتەن، اجەسى مەد.اكادەمياعا قاراعاندا، مەديتسينالىق كوللەدج ماڭىزدىراق دەگەن پىكىرىنەن قايتپادى.

 «ستۋدەنت كەزىمدە كوسمەتيكا مەن بەت كۇتىمى ونىمدەرىن ساتاتىن ءىرى كومپانيادا تولىق ەمەس جۇمىس كۇنىممەن جۇمىس ىستەدىم. مەن جاقسى جۇمىس ىستەدىم. ال 2004 جىلى كومپانيا دەلەگاتسياسىنىڭ قۇرامىندا الماتىعا باردىم. ماقساتىم - كونفەرەنتسياعا قاتىسۋ. مەنىڭ كوسمەتولوگياعا بەت بۇرىسىم وسى ساپاردان باستالدى دەپ ويلايمىن»، - دەپ ەسكە الادى كەيىپكەر سول كەزدەگى شاقتى ساعىنىپ...

وسى شارادا كۇتپەگەن كەزدەسۋ بولدى. حالىقارالىق فورۋمعا قاتىسۋ ءۇشىن كەلگەن ايەلدىڭ ماماندىعى فەلدشەر بولعانىمەن، كوسمەتولوگ بولىپ قىزمەت ەتىپ جۇرەدى. ول يلۆيراعا كومپانياداعى ساۋداعا عانا ءمان بەرمەي، مەديتسينالىق ءبىلىمىن پايدالانىپ، الماتىداعى مەديتسينا اكادەمياسىندا التى ايلىق دەرماتوكوسمەتولوگيا كۋرستارىنان وتۋگە كەڭەس بەرەدى. ال، يلۆيرانىڭ وىس كەزدە مۇنداي ماماندىقتى ءبىرىنشى رەت ەستۋى ەدى.

 «شاماسى، بۇل شىنىمەن مەنىڭ تاعدىرىم بولدى. ويتكەنى اۋىلعا قايتار جولدا ءبىر جىگىتتى كەزدەستىردىم. ول تاشكەنتتەگى تۋىستارىنا بارماق بولدى. ءنومىر الماسىپ، ارالاسا باستادىق. بىرتە-بىرتە سەزىمدەر پايدا بولدى. كوپ ۇزاماي ول ۇيلەنۋگە ۇسىنىس جاسادى. شىنىن ايتقاندا، ماعان دا ۇنادى. تويعا اقشاسى بولماعاندىقتان، اتا-انامنىڭ اق باتاسىن الىپ، احاج-دا ءجاي عانا قول قويدىق» - دەيدى يلۆيرا.

ەرلى-زايىپتىلار الماتىدا جاتاقحانادا تۇردى. قىز ءوزى ويلاعان كۋرستارعا وقۋعا ءتۇسىپ، سونىمەن بىرگە ستوماتولوگيادا قوسىمشا جۇمىس ىستەدى. كەيىن ول جەكە ءبىلىم بەرۋ ورتالىعىندا تاعى ءبىر وقۋىن اياقتادى. ول ءوزىنىڭ العاشقى سەرتيفيكاتىن 2005 جىلى الدى. ال، 2007 جىلى سۇلۋلىق يندۋسترياسىنداعى ەرەكشە ساياحاتىن باستادى.

كەزدەيسوقتىق ەمەس. ناقتى بەلگىلەر مەن ءومىر تاعىلىمدارى الدىمنان شىعىپ وتىردى

يلۆيرا ءوز وقيعاسىنىڭ قالاي باستالعانىن جىلى ەسكە الادى. ءومىر ۇنەمى ادامدار مەن وقيعالار ارقىلى ءوز بەلگىلەرىن جىبەرەتىنىنە ەرەكشە سەنىمدى. بۇل ساپاردا كەزدەيسوق تانىسۋ سياقتى كورىنەتىن، بىراق بۇل وتباسىنىڭ قۇرىلۋىنا اكەلدى. ال ول جىگىت شىنىمەن دە ايەلىنىڭ يدەياسى مەن تالپىنىستارىندا ۇنەمى قولداۋ كورسەتەتىن جاقسى ادام بولىپ شىقتى. بۇل بەكەر ەمەس.

 «مەن ارقاشان ادامداردىڭ ماعان نە ايتقانىنا جانە ماعان قانداي دا ءبىر ۇسىنىستارىنا بارىنشا نازار اۋدارامىن. مەن جەلىلىك كومپانيادا جۇمىس ىستەپ جۇرگەنىمدە-اق ادامدارعا بەت كۇتىمىنە ارنالعان ونىمدەردى ۇسىنىپ ۇلگەردىم. ماعان بۇل كوسمەتيكا ۇنادى. مەن ءوزىمدى وسى باعىتقا تولىعىمەن ەنۋدى ويلادى. ويتكەنى مەندە جاقسى كليەنتتىك بازا جانە ساتۋدا جوعارى جەتىستىكتەر بولدى. بىراق كونفەرەنتسياداعى بۇل كەزدەسۋ ماعان ودان ءارى دامۋعا سەرپىن بەردى جانە كەڭ مۇمكىندىكتەردى كورسەتتى. سول ايەلگە اقىل-كەڭەسى ءۇشىن ارقاشان العىس ايتامىن»، – دەيدى سۇحبات بەرۋشى.

 وعان وسى ءومىر جولىندا تالىمگەر اتانعان تاعى ءبىر جان – گۇلنار ابەنوۆا. ول - كوسمەتولوگتار ءۇشىن فرانتسۋز ينەكتسيالىق پرەپاراتتارىن ساتۋمەن اينالىسقان. يلۆيرا وعان جۇمىس ىستەي باستادى، ولار جاقىن دوس بولدى. سونىمەن قاتار، ءبىزدىڭ كەيىپكەرىمىز اپپاراتتىق كوسمەتولوگيانى يگەردى. ويتكەنى كوسمەتيكانىڭ ءار برەندى ادەتتە ونى قولدانۋعا ارنالعان ءوز قۇرىلعىلارىنا يە بولدى.

ءومىر

قورقىنىشتى جەڭىپ، تاۋەكەلگە بارا الاتىندار عانا ءوز ءىسىن باستاۋعا شەشىم قابىلداي الادى. كەيدە بەلگىلى ءبىر وقيعالار تۇرتكى بولادى. يلۆيرادا سولاي بولدى. وكىنىشكە وراي، 10 جىلعا جۋىق ۇيلەنگەننەن كەيىن ونىڭ وتباسى بۇزىلىپ، ايەل ءۇش بالانى تاربيەلەۋگە ءماجبۇر بولدى.

«جالدامالى جۇمىس ىستەپ جۇرگەن توعىز جىل ىشىندە مەن كليەنتتەردىڭ ماعان قايتا ورالاتىنىن، راحمەت ايتىپ، كەڭەستەر قالدىراتىنىن بايقادىم. بالالار وسكەن سايىن ولارمەن كوبىرەك ۋاقىت وتكىزگىم كەلدى. سوندىقتان 2013 جىلى مەن ءوزىم ءۇشىن جۇمىس ىستەۋدى شەشتىم جانە بۇل مەنىڭ ەڭ جاقسى شەشىمىم بولدى. قانشا ايانىشتى ەستىلسە دە، بۇل قادامعا مەنى اجىراسۋ يتەرمەلەدى»، – دەيدى كاسىپكەر ايەل.

ء وز ءىسىن باستاعان كەزدە وعان قانداي قاسيەتتەر كومەكتەستى دەگەن سۇراققا يلۆيرا: ەموتسيونالدى تۇراقتى سيپاتقا يە بولۋ ماڭىزدى. ادامدارمەن جۇمىس ىستەگەندە بارلىعىنا ورتاق كوزقاراس تابۋ، تىڭداي ءبىلۋ، شىدامدىلىق، كوپشىل، شىعارماشىلىق تۇرعىدا بولۋى كەرەك. ونىڭ بۇل قاسيەتتەرى جاس كەزىنەن بولدى. بىراق كوپ جىلدىق تاجىريبەنىڭ ارقاسىندا ولار بارىنشا كۇشتىرەك دامىدى.

«ارينە، قورقىنىشتى بولدى. بىراق مەنىڭ تۇراقتى كوزقاراسىم قالىپتاستى: نەدەن قورقاسىز، سوندا بارىعىز دەگەن. سوندا ءسىز كۇش الاسىز. ونىڭ ۇستىنە 19 جاسىمنان وسى سالادا ەڭبەك ەتىپ، ءوز كاسىبىمدى ءبىلدىم. مەن ارقاشان سۇلۋلىق جاساۋدى ۇناتامىن. ال كوسمەتولوگيا ارقاشان ادەمى جانە پوزيتيۆ ايەلدەردى بىلدىرەدى. كليەنتتەرىمنىڭ قۋانىشىن كورگەندە قانداي ەموتسيالار العانىمدى ەلەستەتە المايسىز. بۇل تەك ەڭبەكاقى عانا ەمەس. ادامعا زو كۇش بەرەتىن - موتيۆاتسيا»، - دەپ جىميدى كەيىپكەر.

باسقا ەلگە قونىس اۋدارۋ جانە بيزنەس

كەيىپكەرىمىز مۇنىمەن توقتاماي، العا ۇمتىلاتىن جانداردىڭ ءبىرى. ول كوكجيەكتەن تىس نە بار ەكەنىن، قانداي مادەنيەت بار ەكەنىن، كوسمەتولوگيانىڭ قالاي دامىپ جاتقانىن بىلۋگە ارقاشان قىزىعۋشىلىق تانىتىپ وتىردى.

 «2019 جىلى مەن ىستامبۋلدا بولدىم جانە بۇل قالانىڭ ەنەرگياسى مەن ديناميكاسىنا تاڭ قالدىم. ماقساتىم- سوندا تۇرعىم كەلدى. ال، ەلگە ورالعاندا ، پاندەميا باستالدى. سول كەزدەگى كوپتەگەن ادامدار سياقتى مەن ۇيدە وتىرىپ، بىرىنەن سوڭ ءبىرى وتكىزىپ، ونلاين كۋرسقا قاتىسا باستادىم. سودان ءبىر اتاقتى بلوگەردىڭ مارافوندارىنا قاتىستىم. بىزگە ويداعى تىلەكتەردى جازۋ تاپسىرىلدى. سوندا مەن باسقا ەلدە تابىستى كوسمەتولوگ بولعىم كەلەتىنىن اتاپ ءوتتىم»، - دەيدى يلۆيرا.

  ول تىزىمدەگى بارلىق ماقساتتارىنا جەتتى. ال 2020 جىلى ول بالالارىمەن ستامبۋلعا كوشىپ، سول جەردەن پاتەر ساتىپ الدى. بىراق، اسىرەسە شەتەلدە ءوز كاسىبىڭدى اشۋ – قيىندىقتاردى جەڭۋ دەگەن ءسوز.

 «تۇركيا – ءتىلىن، مادەنيەتىن، نارىعىن قورعايتىن ەل. ماعان بۇل الەمگە ەنۋگە، ولاردىڭ مەكتەبىنەن وتۋگە تۋرا كەلدى. الدىمەن التى ايلىق ءتىل كۋرستارىنا جازىلدىم. مەن تۇرىكشە سويلەي العان سوڭ، كاسىپكەرلەرگە ارنالعان جەرگىلىكتى زاڭداردى زەرتتەي باستادىم. بيزنەستى تەز ارادا زاڭداستىرۋ ءۇشىن سول جەردە ەستەتيك (اپپاراتتىق كوسمەتولوگيا ارقىلى بەت كۇتىمى بويىنشا مامان) بولۋ ءۇشىن وقۋ كەرەك ەكەنىن ءبىلدىم. بۇل كۋرستار دا التى ايلىق. جالپى تۇركيادا مۇنداعىداي ەكى-ءۇش كۇندىك وقۋدان كەيىن سەرتيفيكات الا المايسىڭ. كەز كەلگەن كۋرستار التى ايدان نەمەسە ودان دا كوپ ۋاقىتقا سوزىلادى.»

 وقۋدى اياقتاعاننان كەيىن يلۆيرا مەملەكەتتىك ەمتيحانداردى تاپسىردى. سودان كەيىن ول جەكە كاسىپكەر رەتىندە تىركەلىپ، ستامبۋلدىڭ بەدەلدى اۋدانىندا كەڭسە جالعا الدى. اشۋ كەزىندە ەشقانداي پروبلەمالار بولعان جوق. كاسىپكەردە رەسمي تۇردە بارلىعى بولدى. تۇرۋعا رۇقسات، جۇمىسقا رۇقسات، تۇرىك كۋالىكتەرى.

ءبىر قىزىعى، ادامدار قازاقستاندىق كوسمەتولوگ تۋرالى تەز ءبىلىپ الدى. Instagram جانە ءوزارا حابارلاسا باستادى. قازاق دياسپوراسى، باسقا دا ورىستىلدىلەر كەلدى سالونعا.

 جالپى، يلۆيراعا تۇركياعا كوشىپ كەلگەننەن كەيىن جەكە سالونىن اشۋعا ءبىر جارىم جىلدان استام ۋاقىت قاجەت بولدى.

تابىستى بولۋدىڭ قۇپيالارى

كەز كەلگەن ماماندىقتا ۇنەمى دامۋ كەرەك، دەپ ەسەپتەيدى كەيىپكەرىمىز. ءوزىنىڭ اسەرلى تاجىريبەسىنە قاراماستان، ول ۇنەمى ءبىلىم الادى. وتكەن جىلى ماسكەۋدە كۋرستاردى ءبىتىردىم، كوسمەتولوگيانىڭ جاڭا باعىتتارىن يگەردىم. 2019 جىلى فرانتسيادا وتكەن «Meilleur SPA Praticien France» ۇزدىك سپا تاجىريبەسىنىڭ حالىقارالىق بايقاۋىندا كۇمىس جۇلدەگەر اتاندى. 2017 جىلى رەسەي فەدەراتسياسىندا وتكەن ح حالىقارالىق ماسساج چەمپيوناتىندا ەكىنشى ورىندى يەلەندى.

ەگەر ادام دامىپ وتىرسا، وندا ول شىعارماشىلىق تۇلعاعا اينالادى جانە پاتسيەنتكە كوبىرەك كەرەكتى دۇنيەلەر بەرە الادى، ول وعان سەنىمدى.

بىراق قالاي سۇرانىسقا يە بولۋعا بولادى، اسىرەسە باسقا ەلدە جانە وسىنداي بوس بيزنەس نيشاسىندا؟

يلۆيرا باسەكەدەن قورىقپاساڭىز، نارىقتا قالۋعا بولادى دەپ ەسەپتەيدى. باسەكەلەستىك وسۋگە كومەكتەسەدى.

 «قازاقستاندا تۇركيا سياقتى بەدەلدى ورىنداردا، جوعارى دەڭگەيدەگى كليەنتتەرمەن جۇمىس ىستەدىم. بىزدە 5-6 كوسمەتولوگ بولدى، بىراق بۇل مەنى قورقىتپادى. مەنىڭ ميىمدا اركىمگە جۇمىس جەتكىلىكتى، اركىم ءوز كليەنتىن تابادى. اركىم اللا تاعالانىڭ ولشەپ بەرگەن ريزىعىن الادى دەگەن ويمەن ءجۇردىم».

سونىمەن قاتار، اڭگىمەلەسۋشى پاتسيەنتتەرگە ارقاشان ادال بولۋدى ۇسىنادى. قىزمەتىن قولدان قىمباتتاتىپ، نەگىزسىز باعانىڭ كوتەرە بەرۋگە بولمايدى دەيدى. مىسالى، ەگەر ادامنىڭ سالوندا نەگىزگى كۇتىمى جەتكىلىكتى بولسا، وندا ول ينەكتسياعا جۇگىنۋدىڭ نەمەسە قاجەتسىز قىمبات پروتسەدۋرالاردى جاساتۋدىڭ قاجەتى جوق. ول، ءجاي شىعىن.

مىنە، سوندىقتان ادامدار بۇل جەرگە قايتا كەلە بەرگىسى كەلەدى. (يلۆيراعا 10 جىلدان استام ۋاقىت بويى كەلەتىن كليەنتتەر بار) جانە دوستارىنا ءوز قىزمەتىن شەبەرىن ۇسىنادى. بۇل جەردە اقشا ەمەس، شىنايى كومەكتەسۋگە ۇمتىلىس بايقالادى.

يلۆيرانىڭ كليەنتتەرمەن جۇمىس ىستەۋ كەزىندە بىرنەشە قاعيدالارى بار: شىنشىل جانە شىنايى بولۋ، ولارمەن ۇنەمى بايلانىستا بولۋ، قاتەسىن مويىنداي ءبىلۋ.

«مەنىڭ ماماندىعىم بويىنشا پروتسەدۋرالاردان كەيىنگى قيىندىقتار بولىپ تۇردى. 19 جىل جۇمىس ىستەگەندە مۇنداي ءۇش جاعداي ورىن الدى. جانە ولار وسۋگە سەرپىن بولدى. ويتكەنى مەن ءار ۋاقىتتا سەبەپتەردى تەرەڭىرەك زەرتتەپ، ارنايى جاتتىعۋلارعا باردىم جانە شۇعىل كومەك كورسەتۋ داعدىلارىن يگەردىم. بىراق قورقىنىش ساقتالادى، بۇل قالىپتى جاعداي. الدىڭدا قورىقپايتىن كوسمەتولوگ بولسا، وعان بارماۋ كەرەك دەگەن پىكىرلەر ايتىلادى. ول راس. بۇل قورقىنىش ءوز ءىسىن بىلمەۋدەن ەمەس، ءبارى جاقسى بولادى دەگەن الاڭداۋشىلىقتان تۋىندايدى »

 ماقتانىش پەن موتيۆاتسيا

ء سىز قاشان ءوزىڭىزدى تابىستى سەزىنەسىز دەپ سۇراعاندا، يلۆيرا بىلاي دەپ جاۋاپ بەردى: مەن تۇرىك ءتىلىن ۇيرەنىپ، ىستامبۇلدا سالون اشىپ، ەكى قىمبات قۇرىلعى ساتىپ الىپ، قازاقستانعا قوناققا بارۋعا ۇشىپ كەتكەندە. ويتكەنى، كەزىندە، ول كەتكەننەن كەيىن كەي ادامدار ول قىزدىڭ قولىنان ەشتەڭە كەلمەيدى. ەلگە قايتا ورالادى دەپ ويلاعان. سوعان سەنگەن.

 «وتباسىما جانە دوستارىما قوناققا كەلگەندە مەن ءوزىمدى ماقتان تۇتتىم. ويتكەنى، مەن ەشكىمنىڭ قارجىلاي كومەگىنسىز ءبارىن ءوز قولىممەن جاسادىم.مەنىڭ تانىمال بيزنەسىم بار، مەن شەتەلدە استىرتىن ەمەس، زاڭدى تۇردە جۇمىس ىستەيمىن. اللا تاعالانىڭ كومەگىمەن جانە تاباندىلىعىم مەن قاجىرلى ەڭبەگىمنىڭ ارقاسىندا مەن وسىنداي ناتيجەلەرگە قول جەتكىزدىم»، - دەپ ءبولىستى يلۆيرا.

ول بالالارىن ءوزىنىڭ باستى موتيۆاتورلارى دەپ اتايدى. ءورشىل ادام بولعاندىقتان، ول ولاردى بىردەي رۋحتا تاربيەلەيدى. دالىرەك ايتقاندا، ول ءوزىن-ءوزى تاربيەلەپ، ولارعا مۇمكىن ەمەس نارسەنىڭ جوقتىعىن ءوز ۇلگىسىمەن دالەلدەيدى. باستىسى تىلەگىڭ بولسىن، الدىڭا ماقسات قوي، وزىڭە دە، ادامدارعا دا ادال بول، سوندا ءبارى ويداعىداي بولادى. باقىتىمىزعا وراي، بالالار ءوزارا جاۋاپ بەرەدى: ولار جاقسى وقيدى جانە وزىندىك جەتىستىكتەرى بار. ىستامبۇلدا ەكى ۇل دا ءبىرىنشى جارتىجىلدىقتى التىن مەدالمەن ءبىتىرىپ، اناسىنىڭ ماقتانىشى بولدى.

 كاسىپكەر كەڭەسى

ءار ادامنىڭ ءوزىن قالپىنا كەلتىرەتىن جانە كۇش بەرەتىن ورنى نەمەسە ارەكەتى بولۋى كەرەك. يلۆيرا ءۇشىن بۇل اپتانىڭ بەس كۇنىن ارنايتىن سپورت ءتۇرى. ول وعان قۋات پەن ءپوزيتيۆتى زارياد بەرەدى. ول 40 جاستان كەيىن ايەل دەنى ساۋ جانە تولىق بولۋى كەرەك دەپ سانايدى. سوندىقتان دۇرىس تاماقتانۋ جانە جامان ادەتتەردىڭ بولماۋى دا ماڭىزدى.

 «مەنىڭ باستى كەڭەسىم: قورقىنىشتارىڭىزعا قاراماستان، ولارعا قاراي ءجۇرىڭىز. وندا ءسىز كۇش الاسىز. ەندى مەنىڭ جاڭا ماقساتتارىم بار، سوعان جەتەمىن. ەندى تۇركيا ەمەس، ەۋروپا، اقش. كىشكەنتاي قورقىنىشتار بار، بىراق مەن ولارمەن قالاي جۇمىس ىستەۋ كەرەكتىگىن بىلەمىن. قالاۋ جاقسى، بىراق بارۋ جانە جاساۋ الدەقايدا جاقسى»، - دەپ تۇيىندەدى سۇقبات بەرۋشى