Qyz jol boiyna jaqyn maŋda tūrǧan äskeri qyzmetşılerden kömek sūrady. Jaǧdai şūǧyl ärekettı talap ettı. Ūlandyqtar bırden ıske kırıstı.

Aǧa leitenant Baǧlan Tätei, leitenant Ädılet Mūratov jäne qatardaǧy jauynger Daniial Särsenǧaliev zardap şekken qyzdy qauıpsız jerge şyǧaryp, alǧaşqy medisinalyq kömek körsettı. 

- Bız kelgen kezde qyzdyŋ jaǧdaiy öte auyr ekenı bırden baiqaldy. Ol teŋselıp, äreŋ jürıp kele jatty. Bız ony jol jiegınen alyp ketıp, jaraqat alu qaupın boldyrmauǧa tyrystyq. Epilepsiia ūstamasyna ūqsas jaǧdai boldy: qoldary qaltyrap, közı būldyrap tūrdy. Bız ony bır qyrynan jatqyzyp, basyn ūstadyq, esınen tanyp qalmauy üşın ünemı söilesıp otyrdyq. Eŋ bastysy – onyŋ qūlap, özıne zaqym keltırıp aluyna jol bermeu edı, - deidı aǧa leitenant Baǧlan Tätei.

Kuägerlerdıŋ aituynşa, qyzda epilepsiia ūstamasynyŋ belgılerı baiqalǧan. Äskeri qyzmetşıler jedel järdem şaqyryp, därıgerler qyzdy qalalyq auruhanaǧa jetkızdı.

Būl oqiǧa Ūlttyq ūlan äskeri qyzmetşılerınıŋ tek qoǧamdyq tärtıptı saqtap qana qoimai, tötenşe jaǧdailarda azamattardyŋ senımdı qorǧany ekenın taǧy bır märte körsettı.

Ūlandyqtar – qauıpsızdıktıŋ kepılı. Olar kün saiynǧy qyzmetımen erlıkke daiyn ekenderın däleldep keledı.

Ūlttyq ūlanynyŋ baspasöz qyzmetı