مەملەكەت باسشىسى الاش قايراتكەرلەرىنىڭ مۇرالارىن قايتا قاراپ، اقتاڭداقتار اقيعات اشۋدى تاريحى-عالىمدارعا تاپسىرعان بولاتىن. بۇگىندە زيالى قاۋىم وكىلدەرى الاش قايراتكەرى تەمىربەك جۇرگەنوۆتىڭ 125 جىلدىعى اياسىندا قازاقستان جانە تۇركى ەلدەرى ىشىندە رۋحاني ىنتىماقتاستىق پەن باۋىرلىق بايلانىستى نىعايتۋ ماقساتىندا ىرگەلى شارالاردى باستاپ كەتتى. مەرەيتويلىق شارالار باس قوسۋ، كونفەرەنتسيا كولەمىندە عانا ەمەس، مەملەكەت جانە قوعام قايراتكەرىنىڭ ساياسي ەڭبەكتەرىن قايتا باسىپ، تاسادا قالعان شىعارمالارىن عىلىمي اينالىمعا ەنگىزۋ سىندى اۋقىمدى جۇمىستارمەن ەرەكشەلىنىپ وتىر. تاۋ تۇلعانىڭ شىعارماشىلىعىن زەرتتەپ، زەردەلەپ جۇرگەن الاشتانۋشى – عالىم باۋىرجان يمانعاليەۆتىڭ ايتۋىنشا، تەمىربەك جۇرگەنوۆتىڭ 125 جىلدىعى اياسىندا بۇرىن-سوڭدى ەش جەردە جاريالانباعان ەڭبەكتەرى مەن ساياسي كوزقاراستارى جيناقتالعان شىعارمالارىن توپتاستىرۋ ءىسى جۇيەلى جاسالىپ جاتىر. وسى تۇرعىدا بىرنەشە كىتاپ، عىلىمي ەڭبەكتەر جارىق كوردى. تۇركسوي ۇيىمىنىڭ قولداۋىمەن جىل سوڭىنا دەيىن ءالى دە تالاي ەڭبەكتەر جاريالانادى دەپ جوسپارلانىپ وتىر.