قاجىلىقتى زاڭسىز ۇيىمداستىرعان «Zam Zam Qazaqstan» تۋريستىك كومپانياسىنىڭ باسشىسى ۇستالدى. ءىىم تەرگەۋ دەپارتامەنتى قاجىلىق ءتۋريزمىن ۇيىمداستىرۋداعى الاياقتىق فاكتى بويىنشا قىلمىستىق ءىستى تەرگەپ جاتىر، - دەپ حابارلايدى، Polisia.kz ارناسىنا سىلتەمە جاساي وتىرىپ، Ras.kz اقپاراتتىق سايتى. 

بۇعان دەيىن اقپارات قۇرالدارىندا ءبىر توپ قازاقستاندىقتىڭ ۇلكەن قاجىلىق تۋرىن ساتىپ الىپ، كەيىن، الدانعانى تۋرالى مالىمەتتەر جاريالانعان بولاتىن. وسىلايشا، قۇجاتسىز تەنتىرەپ جۇرگەن وتانداستارىمىزدىڭ بەينە جازبالارى دا تاراتىلدى. اقپاراتتاردا ساۋد ارابياسىنىڭ پوليتسەيلەرى مەككە قالاسىنا اۆتوبۋسپەن كەلگەن ازاماتتارىمىزدىڭ قۇجاتتارىن تەكسەرۋ بارىسىندا زاڭسىز قۇجات تىركەلگەنى، ناتيجەسىندە، 120 ادام قاماۋدا قالعانى دا ايتىلدى.

تەرگەۋ بارىسىندا ساۋد ارابياسى مەملەكەتتىك ورگانىنىڭ رەسمي سايتىنا ۇقساس، قاجىلىق جاساۋعا بەرىلگەن ۆيزا راستايتىن جالعان سايت قۇرىلعانى انىقتالعان. 

سوت سانكتسياسىمەن كۇدىكتى قاماۋعا الىندى. سوتقا دەيىنگى الدىن الا تەرگەۋ جۇمىستارى جالعاسىپ جاتىر.

فوتو ينتەرنەتتەن الىندى