Qajylyqty zaŋsyz ūiymdastyrǧan «Zam Zam Qazaqstan» turistık kompaniiasynyŋ basşysy ūstaldy. IIM tergeu departamentı qajylyq turizmın ūiymdastyrudaǧy alaiaqtyq faktı boiynşa qylmystyq ıstı tergep jatyr, - dep habarlaidy, Polisia.kz arnasyna sılteme jasai otyryp, Ras.kz aqparattyq saity. 

Būǧan deiın aqparat qūraldarynda bır top qazaqstandyqtyŋ ülken qajylyq turyn satyp alyp, keiın, aldanǧany turaly mälımetter jariialanǧan bolatyn. Osylaişa, qūjatsyz tentırep jürgen otandastarymyzdyŋ beine jazbalary da taratyldy. Aqparattarda Saud Arabiiasynyŋ poliseilerı Mekke qalasyna avtobuspen kelgen azamattarymyzdyŋ qūjattaryn tekseru barysynda zaŋsyz qūjat tırkelgenı, nätijesınde, 120 adam qamauda qalǧany da aityldy.

Tergeu barysynda Saud Arabiiasy memlekettık organynyŋ resmi saityna ūqsas, qajylyq jasauǧa berılgen viza rastaityn jalǧan sait qūrylǧany anyqtalǧan. 

Sot sanksiiasymen küdıktı qamauǧa alyndy. Sotqa deiıngı aldyn ala tergeu jūmystary jalǧasyp jatyr.

foto internetten alyndy