جوبا بويىنشا 208 شاقىرىم جولدى قايتا جاڭارتۋ، كولىك قاتىناسىن جاقسارتۋ، قاۋىپسىز قوزعالىستى قامتاماسىز ەتۋ، وڭىرلىك جانە حالىقارالىق ساۋدانى قولداۋ قاراستىرىلعان. اتالمىش جوبا اياسىندا قولدانىستاعى ەكى جولاقتى اۆتوجولدى جاڭعىرتىپ، قىزىلوردا مەن ۇلىتاۋ وبلىسىنىڭ ورتالىعى جەزقازعان قالاسىن قوسۋ كوزدەلگەن. قايتا جاڭارتۋ جۇمىستارىنان كەيىن جول ءىى تەحنيكالىق ساناتقا اۋىستىرىلىپ، جىل بويى تۇراقتى قوزعالىس قامتاماسىز ەتىلىپ، جول ءجۇرۋ ۋاقىتىن 4 ساعاتتان 2 ساعاتقا دەيىن ءجۇرىپ وتۋگە بولادى.

قازىرگى ۋاقىتتا ۇلىتاۋ وبلىسىندا جول ۋچاسكەلەرىندە دايىندىق جۇمىستارى قارقىندى جۇرگىزىلىپ جاتىر: مەردىگەر مەكەمەلەر جەر جۇمىستارىن باستاپ، جول-قۇرىلىس ماتەريالدارىن ازىرلەۋدە. سونداي-اق قىزىلوردا وبلىسىندا وسى جول ۋچاسكەسىن قايتا جاڭارتۋ جۇمىستارى اتقارىلىپ جاتىر. ونى كەلەسى جىلى اياقتاۋ جوسپارلانعان.

قايتا جاڭارتۋ جوباسى جول ءجۇرۋ ۋاقىتىن قىسقارتىپ، جەرگىلىكتى حالىققا كولىك سالاسىندا قىزمەت كورسەتۋدىڭ ساپاسىن ارتتىرادى. قۇرىلىس جۇمىستارى ءوڭىردىڭ الەۋمەتتىك-ەكونوميكالىق دامۋىنا، ينۆەستيتسيانى تارتۋعا جانە جەرگىلىكتى حالىقتى جۇمىسپەن قامتۋدا وڭ اسەر ەتەدى.

جاڭا جول جابىنى مەن زاماناۋي قاۋىپسىزدىك جۇيەسىن ورناتۋ ارقىلى جول-كولىك وقيعاسىن ازايتىپ، وسى ۋچاسكەدە جالپى قاۋىپسىزدىكتى ارتتىراتىن بولادى.

جۇمىستاردى 2027 جىلدىڭ سوڭىنا دەيىن اياقتاۋ جوسپارلانعان.