Joba boiynşa 208 şaqyrym joldy qaita jaŋartu, kölık qatynasyn jaqsartu, qauıpsız qozǧalysty qamtamasyz etu, öŋırlık jäne halyqaralyq saudany qoldau qarastyrylǧan. Atalmyş joba aiasynda qoldanystaǧy ekı jolaqty avtojoldy jaŋǧyrtyp, Qyzylorda men Ūlytau oblysynyŋ ortalyǧy Jezqazǧan qalasyn qosu közdelgen. Qaita jaŋartu jūmystarynan keiın jol II tehnikalyq sanatqa auystyrylyp, jyl boiy tūraqty qozǧalys qamtamasyz etılıp, jol jüru uaqytyn 4 saǧattan 2 saǧatqa deiın jürıp ötuge bolady.
Qazırgı uaqytta Ūlytau oblysynda jol uchaskelerınde daiyndyq jūmystary qarqyndy jürgızılıp jatyr: merdıger mekemeler jer jūmystaryn bastap, jol-qūrylys materialdaryn äzırleude. Sondai-aq Qyzylorda oblysynda osy jol uchaskesın qaita jaŋartu jūmystary atqarylyp jatyr. Ony kelesı jyly aiaqtau josparlanǧan.
Qaita jaŋartu jobasy jol jüru uaqytyn qysqartyp, jergılıktı halyqqa kölık salasynda qyzmet körsetudıŋ sapasyn arttyrady. Qūrylys jūmystary öŋırdıŋ äleumettık-ekonomikalyq damuyna, investisiiany tartuǧa jäne jergılıktı halyqty jūmyspen qamtuda oŋ äser etedı.
Jaŋa jol jabyny men zamanaui qauıpsızdık jüiesın ornatu arqyly jol-kölık oqiǧasyn azaityp, osy uchaskede jalpy qauıpsızdıktı arttyratyn bolady.
Jūmystardy 2027 jyldyŋ soŋyna deiın aiaqtau josparlanǧan.
