ونىڭ ناتيجەسىندە قازاقستاننىڭ استاناسىن حالىقارالىق تۋريستىك جانە ىسكەرلىك باعىت رەتىندە ىلگەرىلەتۋگە باعىتتالعان ءوزارا تۇسىنىستىك تۋرالى مەموراندۋمدارعا قول قويىلدى.  Kazakh Tourism كومپانياسىنىڭ قر يتالياداعى تۋريزم ەلشىسىن تاعايىنداۋى – ميلانداعى روۋد-شوۋدىڭ باستى وقيعاسى. قۇرمەتتى ميسسيانى يتاليا-قازاق ساۋدا قاۋىمداستىعىنىڭ (ACIK) پرەزيدەنتى ماركو بەرەتتا قابىلدادى. ەلشىنىڭ قىزمەتى ەۋروپالىق تۋريستەر اراسىندا قازاقستاندىق تۋريستىك دەستيناتسيالاردىڭ تارتىمدىلىعىن ارتتىرۋعا جانە ىسكەرلىك بايلانىستاردى نىعايتۋعا باعىتتالعان. روۋد-شوۋ قوس ەلدىڭ تۋريزم سالاسىنداعى ىنتىماقتاستىقتى دامىتۋداعى ماڭىزدى كەزەڭىنە اينالدى. ونىڭ بارىسىندا «استانا دامۋ ورتالىعى» جشس جانە يتالياندىق-قازاق ساۋدا قاۋىمداستىعى (ACIK), سونداي-اق «استانا دامۋ ورتالىعى» جشس مەن يتالياندىق-قازاق ساۋدا-ەكونوميكالىق پالاتاسى (CCIK) ءوزارا تۇسىنىستىك تۋرالى 2 مەموراندۋمعا قول قويدى. بۇل قۇجاتتار استانانى تۋريستىك جانە ىسكەرلىك ورتالىق رەتىندە ىلگەرىلەتۋگە باعىتتالعان ۇزاق مەرزىمدى ىنتىماقتاستىق پەن بىرلەسكەن جوبالاردى ىسكە اسىرۋدىڭ نەگىزىن قالادى. روۋد-شوۋ بارىسىندا Kazakh Tourism, «استانا دامۋ ورتالىعى» جشس وكىلدەرى، قازاقستاندىق تۋروپەراتورلار، قوناق ءۇي جەلىلەرى مەن تۋريستىك اگەنتتىكتەر يتالياندىق باق پەن كاسىپكەرلەرگە قر تۋريستىك مۇمكىندىكتەرى مەن ونىمدەرىن پاش ەتتى. ءىس-شارا اياسىندا استانانىڭ تۋريستىك الەۋەتى تانىستىرىلدى، ينتەراكتيۆتى سەسسيالار، ىسكەرلىك كەزدەسۋلەر جانە مادەني ءىس-شارالار دا ءوتتى. يتالياندىق باق اراسىندا قازاقستان بويىنشا اقپاراتتىق تۋرلارعا ۇتىس وتكىزىلىپ، ۇلكەن قىزىعۋشىلىق تۋدىردى.  «استانا-ميلان 2024» روۋد-شوۋى سەرىكتەستىكتى ودان ءارى دامىتۋدىڭ نەگىزىن قالاپ، ءوزارا ءىس-قيمىلدىڭ تابىستى فورماتىن كورسەتتى. ءىس-شارانى قر يتالياداعى ەلشىلىگىنىڭ، ACIK, Neos S. p.A جانە CCIK قولداۋىمەن استانا قالاسىنىڭ اكىمدىگى جانە «استانانى دامىتۋ ورتالىعى» جشس Visit Astana تۋريستىك برەندىمەن ۇيىمداستىردى.