Onyŋ nätijesınde Qazaqstannyŋ astanasyn halyqaralyq turistık jäne ıskerlık baǧyt retınde ılgerıletuge baǧyttalǧan özara tüsınıstık turaly memorandumdarǧa qol qoiyldy.  Kazakh Tourism kompaniiasynyŋ QR İtaliiadaǧy turizm elşısın taǧaiyndauy – Milandaǧy roud-şoudyŋ basty oqiǧasy. Qūrmettı missiiany İtaliia-qazaq sauda qauymdastyǧynyŋ (ACIK) Prezidentı Marko Beretta qabyldady. Elşınıŋ qyzmetı europalyq turister arasynda qazaqstandyq turistık destinasiialardyŋ tartymdylyǧyn arttyruǧa jäne ıskerlık bailanystardy nyǧaituǧa baǧyttalǧan. Roud-şou qos eldıŋ turizm salasyndaǧy yntymaqtastyqty damytudaǧy maŋyzdy kezeŋıne ainaldy. Onyŋ barysynda «Astana damu ortalyǧy» JŞS jäne İtaliandyq-qazaq sauda qauymdastyǧy (ACIK), sondai-aq «Astana damu ortalyǧy» JŞS men İtaliandyq-qazaq sauda-ekonomikalyq palatasy (CCIK) özara tüsınıstık turaly 2 memorandumǧa qol qoidy. Būl qūjattar Astanany turistık jäne ıskerlık ortalyq retınde ılgerıletuge baǧyttalǧan ūzaq merzımdı yntymaqtastyq pen bırlesken jobalardy ıske asyrudyŋ negızın qalady. Roud-şou barysynda Kazakh Tourism, «Astana damu ortalyǧy» JŞS ökılderı, qazaqstandyq turoperatorlar, qonaq üi jelılerı men turistık agenttıkter italiandyq BAQ pen käsıpkerlerge QR turistık mümkındıkterı men önımderın paş ettı. Is-şara aiasynda Astananyŋ turistık äleuetı tanystyryldy, interaktivtı sessiialar, ıskerlık kezdesuler jäne mädeni ıs-şaralar da öttı. İtaliandyq BAQ arasynda Qazaqstan boiynşa aqparattyq turlarǧa ūtys ötkızılıp, ülken qyzyǧuşylyq tudyrdy.  «Astana-Milan 2024» roud-şouy serıktestıktı odan ärı damytudyŋ negızın qalap, özara ıs-qimyldyŋ tabysty formatyn körsettı. Is-şarany QR İtaliiadaǧy elşılıgınıŋ, ACIK, Neos S. p.A jäne CCIK qoldauymen Astana qalasynyŋ äkımdıgı jäne «Astanany damytu ortalyǧy» JŞS Visit Astana turistık brendımen ūiymdastyrdy.