Бала кезінде Ильвира Сәрсекбаева әжесінің тізесіне отырып алып, қыртыстан әжім тартқан әжесінің бетін сипап, саусағымен терісін тарылтқан екен.

Шынын айтқанда, 90-шы жылдары косметология сияқты бизнес түрі біз үшін таңсыз еді. Ол тура 25 жылдан кейін жүздеген әйелге жастық шақтарын қайтару мақсатында салон ашып, жеке кәсіппен айналысатынын білмеген.

Медицинаға жол бұрыннан бар еді

Ильвира табиғаты әсем- Ташкентте дәрігер мен мұғалімнің отбасында дүниеге келген. Жас кезінде -ақ ол болашақта медицинаға баратынын түсінді. Бірақ, шығыстық құндылықтарды ұстанатын отбасының пікірінше, ең алдымен қыздың тұрмысқа шығуы маңыздырақ. Ал, оқу деп жүргенде кейін жалғыз қалып қою қаупі бары анық... Себебі, медициналық университетте оқу үшін бас-аяғы 8 жыл уақыт керек болады. Сол себептен, әжесі мед.академияға қарағанда, медициналық колледж маңыздырақ деген пікірінен қайтпады.

 «Студент кезімде косметика мен бет күтімі өнімдерін сататын ірі компанияда толық емес жұмыс күніммен жұмыс істедім. Мен жақсы жұмыс істедім. Ал 2004 жылы компания делегациясының құрамында Алматыға бардым. Мақсатым - конференцияға қатысу. Менің косметологияға бет бұрысым осы сапардан басталды деп ойлаймын», - деп еске алады кейіпкер сол кездегі шақты сағынып...

Осы шарада күтпеген кездесу болды. Халықаралық форумға қатысу үшін келген әйелдің мамандығы фельдшер болғанымен, косметолог болып қызмет етіп жүреді. Ол Ильвираға компаниядағы саудаға ғана мән бермей, медициналық білімін пайдаланып, Алматыдағы Медицина академиясында алты айлық дерматокосметология курстарынан өтуге кеңес береді. Ал, Ильвираның оыс кезде мұндай мамандықты бірінші рет естуі еді.

 «Шамасы, бұл шынымен менің тағдырым болды. Өйткені ауылға қайтар жолда бір жігітті кездестірдім. Ол Ташкенттегі туыстарына бармақ болды. Нөмір алмасып, араласа бастадық. Бірте-бірте сезімдер пайда болды. Көп ұзамай ол үйленуге ұсыныс жасады. Шынын айтқанда, маған да ұнады. Тойға ақшасы болмағандықтан, ата-анамның ақ батасын алып, АХАЖ-да жәй ғана қол қойдық» - дейді Ильвира.

Ерлі-зайыптылар Алматыда жатақханада тұрды. Қыз өзі ойлаған курстарға оқуға түсіп, сонымен бірге стоматологияда қосымша жұмыс істеді. Кейін ол жеке білім беру орталығында тағы бір оқуын аяқтады. Ол өзінің алғашқы сертификатын 2005 жылы алды. Ал, 2007 жылы сұлулық индустриясындағы ерекше саяхатын бастады.

Кездейсоқтық емес. Нақты белгілер мен өмір тағылымдары алдымнан шығып отырды

Ильвира өз оқиғасының қалай басталғанын жылы еске алады. Өмір үнемі адамдар мен оқиғалар арқылы өз белгілерін жіберетініне ерекше сенімді. Бұл сапарда кездейсоқ танысу сияқты көрінетін, бірақ бұл отбасының құрылуына әкелді. Ал ол жігіт шынымен де әйелінің идеясы мен талпыныстарында үнемі қолдау көрсететін жақсы адам болып шықты. Бұл бекер емес.

 «Мен әрқашан адамдардың маған не айтқанына және маған қандай да бір ұсыныстарына барынша назар аударамын. Мен желілік компанияда жұмыс істеп жүргенімде-ақ адамдарға бет күтіміне арналған өнімдерді ұсынып үлгердім. Маған бұл косметика ұнады. Мен өзімді осы бағытқа толығымен енуді ойлады. Өйткені менде жақсы клиенттік база және сатуда жоғары жетістіктер болды. Бірақ конференциядағы бұл кездесу маған одан әрі дамуға серпін берді және кең мүмкіндіктерді көрсетті. Сол әйелге ақыл-кеңесі үшін әрқашан алғыс айтамын», – дейді сұхбат беруші.

 Оған осы өмір жолында тәлімгер атанған тағы бір жан – Гүлнар Әбенова. Ол - косметологтар үшін француз инъекциялық препараттарын сатумен айналысқан. Ильвира оған жұмыс істей бастады, олар жақын дос болды. Сонымен қатар, біздің кейіпкеріміз аппараттық косметологияны игерді. Өйткені косметиканың әр бренді әдетте оны қолдануға арналған өз құрылғыларына ие болды.

Өмір

Қорқынышты жеңіп, тәуекелге бара алатындар ғана өз ісін бастауға шешім қабылдай алады. Кейде белгілі бір оқиғалар түрткі болады. Ильвирада солай болды. Өкінішке орай, 10 жылға жуық үйленгеннен кейін оның отбасы бұзылып, әйел үш баланы тәрбиелеуге мәжбүр болды.

«Жалдамалы жұмыс істеп жүрген тоғыз жыл ішінде мен клиенттердің маған қайта оралатынын, рахмет айтып, кеңестер қалдыратынын байқадым. Балалар өскен сайын олармен көбірек уақыт өткізгім келді. Сондықтан 2013 жылы мен өзім үшін жұмыс істеуді шештім және бұл менің ең жақсы шешімім болды. Қанша аянышты естілсе де, бұл қадамға мені ажырасу итермеледі», – дейді кәсіпкер әйел.

 Өз ісін бастаған кезде оған қандай қасиеттер көмектесті деген сұраққа Ильвира: эмоционалды тұрақты сипатқа ие болу маңызды. Адамдармен жұмыс істегенде барлығына ортақ көзқарас табу, тыңдай білу, шыдамдылық, көпшіл, шығармашылық тұрғыда болуы керек. Оның бұл қасиеттері жас кезінен болды. Бірақ көп жылдық тәжірибенің арқасында олар барынша күштірек дамыды.

«Әрине, қорқынышты болды. Бірақ менің тұрақты көзқарасым қалыптасты: неден қорқасыз, сонда барығыз деген. Сонда сіз күш аласыз. Оның үстіне 19 жасымнан осы салада еңбек етіп, өз кәсібімді білдім. Мен әрқашан сұлулық жасауды ұнатамын. Ал косметология әрқашан әдемі және позитив әйелдерді білдіреді. Клиенттерімнің қуанышын көргенде қандай эмоциялар алғанымды елестете алмайсыз. Бұл тек еңбекақы ғана емес. Адамға зо күш беретін - мотивация», - деп жымиды кейіпкер.

Басқа елге қоныс аудару және бизнес

Кейіпкеріміз мұнымен тоқтамай, алға ұмтылатын жандардың бірі. Ол көкжиектен тыс не бар екенін, қандай мәдениет бар екенін, косметологияның қалай дамып жатқанын білуге әрқашан қызығушылық танытып отырды.

 «2019 жылы мен Ыстамбулда болдым және бұл қаланың энергиясы мен динамикасына таң қалдым. Мақсатым- сонда тұрғым келді. Ал, елге оралғанда , пандемия басталды. Сол кездегі көптеген адамдар сияқты мен үйде отырып, бірінен соң бірі өткізіп, онлайн курсқа қатыса бастадым. Содан бір атақты блогердің марафондарына қатыстым. Бізге ойдағы тілектерді жазу тапсырылды. Сонда мен басқа елде табысты косметолог болғым келетінін атап өттім», - дейді Ильвира.

  Ол тізімдегі барлық мақсаттарына жетті. Ал 2020 жылы ол балаларымен Стамбулға көшіп, сол жерден пәтер сатып алды. Бірақ, әсіресе шетелде өз кәсібіңді ашу – қиындықтарды жеңу деген сөз.

 «Түркия – тілін, мәдениетін, нарығын қорғайтын ел. Маған бұл әлемге енуге, олардың мектебінен өтуге тура келді. Алдымен алты айлық тіл курстарына жазылдым. Мен түрікше сөйлей алған соң, кәсіпкерлерге арналған жергілікті заңдарды зерттей бастадым. Бизнесті тез арада заңдастыру үшін сол жерде эстетик (аппараттық косметология арқылы бет күтімі бойынша маман) болу үшін оқу керек екенін білдім. Бұл курстар да алты айлық. Жалпы Түркияда мұндағыдай екі-үш күндік оқудан кейін сертификат ала алмайсың. Кез келген курстар алты айдан немесе одан да көп уақытқа созылады.»

 Оқуды аяқтағаннан кейін Ильвира мемлекеттік емтихандарды тапсырды. Содан кейін ол жеке кәсіпкер ретінде тіркеліп, Стамбулдың беделді ауданында кеңсе жалға алды. Ашу кезінде ешқандай проблемалар болған жоқ. Кәсіпкерде ресми түрде барлығы болды. Тұруға рұқсат, жұмысқа рұқсат, түрік куәліктері.

Бір қызығы, адамдар қазақстандық косметолог туралы тез біліп алды. Instagram және өзара хабарласа бастады. Қазақ диаспорасы, басқа да орыстілділер келді салонға.

 Жалпы, Ильвираға Түркияға көшіп келгеннен кейін жеке салонын ашуға бір жарым жылдан астам уақыт қажет болды.

Табысты болудың құпиялары

Кез келген мамандықта үнемі даму керек, деп есептейді кейіпкеріміз. Өзінің әсерлі тәжірибесіне қарамастан, ол үнемі білім алады. Өткен жылы Мәскеуде курстарды бітірдім, косметологияның жаңа бағыттарын игердім. 2019 жылы Францияда өткен «Meilleur SPA Praticien France» үздік СПА тәжірибесінің халықаралық байқауында күміс жүлдегер атанды. 2017 жылы Ресей Федерациясында өткен Х Халықаралық массаж чемпионатында екінші орынды иеленді.

Егер адам дамып отырса, онда ол шығармашылық тұлғаға айналады және пациентке көбірек керекті дүниелер бере алады, ол оған сенімді.

Бірақ қалай сұранысқа ие болуға болады, әсіресе басқа елде және осындай бос бизнес нишасында?

Ильвира бәсекеден қорықпасаңыз, нарықта қалуға болады деп есептейді. Бәсекелестік өсуге көмектеседі.

 «Қазақстанда Түркия сияқты беделді орындарда, жоғары деңгейдегі клиенттермен жұмыс істедім. Бізде 5-6 косметолог болды, бірақ бұл мені қорқытпады. Менің миымда әркімге жұмыс жеткілікті, әркім өз клиентін табады. Әркім Алла Тағаланың өлшеп берген ризығын алады деген оймен жүрдім».

Сонымен қатар, әңгімелесуші пациенттерге әрқашан адал болуды ұсынады. Қызметін қолдан қымбаттатып, негізсіз бағаның көтере беруге болмайды дейді. Мысалы, егер адамның салонда негізгі күтімі жеткілікті болса, онда ол инъекцияға жүгінудің немесе қажетсіз қымбат процедураларды жасатудың қажеті жоқ. Ол, жәй шығын.

Міне, сондықтан адамдар бұл жерге қайта келе бергісі келеді. (Ильвираға 10 жылдан астам уақыт бойы келетін клиенттер бар) және достарына өз қызметін шеберін ұсынады. Бұл жерде ақша емес, шынайы көмектесуге ұмтылыс байқалады.

Ильвираның клиенттермен жұмыс істеу кезінде бірнеше қағидалары бар: шыншыл және шынайы болу, олармен үнемі байланыста болу, қатесін мойындай білу.

«Менің мамандығым бойынша процедуралардан кейінгі қиындықтар болып тұрды. 19 жыл жұмыс істегенде мұндай үш жағдай орын алды. Және олар өсуге серпін болды. Өйткені мен әр уақытта себептерді тереңірек зерттеп, арнайы жаттығуларға бардым және шұғыл көмек көрсету дағдыларын игердім. Бірақ қорқыныш сақталады, бұл қалыпты жағдай. Алдыңда қорықпайтын косметолог болса, оған бармау керек деген пікірлер айтылады. Ол рас. Бұл қорқыныш өз ісін білмеуден емес, бәрі жақсы болады деген алаңдаушылықтан туындайды »

 Мақтаныш пен мотивация

 Сіз қашан өзіңізді табысты сезінесіз деп сұрағанда, Ильвира былай деп жауап берді: мен түрік тілін үйреніп, Ыстамбұлда салон ашып, екі қымбат құрылғы сатып алып, Қазақстанға қонаққа баруға ұшып кеткенде. Өйткені, кезінде, ол кеткеннен кейін кей адамдар ол қыздың қолынан ештеңе келмейді. Елге қайта оралады деп ойлаған. Соған сенген.

 «Отбасыма және достарыма қонаққа келгенде мен өзімді мақтан тұттым. Өйткені, мен ешкімнің қаржылай көмегінсіз бәрін өз қолыммен жасадым.Менің танымал бизнесім бар, мен шетелде астыртын емес, заңды түрде жұмыс істеймін. Алла Тағаланың көмегімен және табандылығым мен қажырлы еңбегімнің арқасында мен осындай нәтижелерге қол жеткіздім», - деп бөлісті Ильвира.

Ол балаларын өзінің басты мотиваторлары деп атайды. Өршіл адам болғандықтан, ол оларды бірдей рухта тәрбиелейді. Дәлірек айтқанда, ол өзін-өзі тәрбиелеп, оларға мүмкін емес нәрсенің жоқтығын өз үлгісімен дәлелдейді. Бастысы тілегің болсын, алдыңа мақсат қой, өзіңе де, адамдарға да адал бол, сонда бәрі ойдағыдай болады. Бақытымызға орай, балалар өзара жауап береді: олар жақсы оқиды және өзіндік жетістіктері бар. Ыстамбұлда екі ұл да бірінші жартыжылдықты алтын медальмен бітіріп, анасының мақтанышы болды.

 Кәсіпкер кеңесі

Әр адамның өзін қалпына келтіретін және күш беретін орны немесе әрекеті болуы керек. Ильвира үшін бұл аптаның бес күнін арнайтын спорт түрі. Ол оған қуат пен позитивті заряд береді. Ол 40 жастан кейін әйел дені сау және толық болуы керек деп санайды. Сондықтан дұрыс тамақтану және жаман әдеттердің болмауы да маңызды.

 «Менің басты кеңесім: қорқыныштарыңызға қарамастан, оларға қарай жүріңіз. Онда сіз күш аласыз. Енді менің жаңа мақсаттарым бар, соған жетемін. Енді Түркия емес, Еуропа, АҚШ. Кішкентай қорқыныштар бар, бірақ мен олармен қалай жұмыс істеу керектігін білемін. Қалау жақсы, бірақ бару және жасау әлдеқайда жақсы», - деп түйіндеді сұқбат беруші