مەنىڭشە، ءاربىر مۇعالىمنىڭ كاسىبي داعدىسىن، ءبىلىمىن قالىپتاستىرۋ ءۇشىن بۇل شارا اۋاداي قاجەت دەپ ويلايمىن. دەگەنمەن، ۇستازدار كوبىنە اتتەستاتسياعا، كوميسسيا تەكسەرگەندە پورتفوليومىز تولىپ تۇرۋى كەرەك دەگەن شەڭبەردەن شىقپاي جاتادى. ۇستازدارمەن پىكىرلەسكەندە وسىنداي ويلارىن جەتكىزىپ جاتتى.

«... شىنىن ايتۋ كەرەك، قۇجات جيناۋ ماقساتىندا عانا ءبىز ءبىلىم جەتىلدىرۋگە قۇمارمىز. ىقىلاسىمەن ءبىلىم جەتىلدىرەيىنشى دەگەندى ماقسات تۇتاتىن مۇعالىم كەمدە - كەم. سەبەبى، قاعازباستىلىق وتە كوپ. مۇعالىمنىڭ جۇگى تىم كوبەيىپ كەتتى. قازىرگى تاڭدا مۇعالىمدەردىڭ دەمالاتىن ۋاقىتى دا جوق. ءوزىنىڭ جانۇياسىنداعى بالالارعا ۋاقىت بولەتىندەي دە مۇمكىندىگى جوق.» - دەگەن جاۋاپتارىن ەستىدىك.

«... سونداي شارشاۋ كەزىندە، ۇكىمەتتىڭ بالدارىنا، حالىقتىڭ بالدارىنا ءمان بەرەمىز. شارشايمىز ارينە. ءوز وتباسىمىز، ءوز بالالارىمىز سىرتتاپ قالىپ جاتادى. ول شارشاۋدىڭ ورنىن تولتىراتىن دارىگەرلىك كومەككە جۇگىنەمىز. ونىڭ ءوزى جارتىلاي. ەكى - ءۇش كۇن الىپ، جاعدايىمىز جاقسارعان سوڭ، قالعان ءتورت كۇنى قالىپ قويادى. ارمەن قاراي، كەرەك دەسەڭىز اعزامىزعا كومەك بەرە المايمىز. اۋرۋ نەدەن كەلەدى؟ بۇل نەرۆتەن، سترەسستەن. ءبىز وسى جۇيكە تامىرلارىنىڭ شارشاعاندىعىنان ءتۇرلى اۋرۋلار قوزادى» دەگەن پىكىردى دە ەستىدىك.

ارينە، مامان رەتىندە مەنىڭ الىپ-قوسارىم. وسىنداي كەزدە پەداگوگتارعا ارنالعان پسيحولوگيالىق وقۋلار بولىپ جاتسا، وسى باعىتتاعى ءبىلىم جەتىلدىرۋ شارالارى ۇيىمداستىرىلسا، ءوزىمىزدىڭ وقۋشىلارىمىزعا، ءتىپتى، ۇستاز وتباسىنداعى، ورتاسىنداعى كەيكىلجىڭدەردىڭ ءسال دە بولسا شەشىلۋىنە كومەك بولار ەدى.

نازيرا ايماحانوۆا، پسيحولوگ - ترەنەر