Bala kezınde İlvira Särsekbaeva äjesınıŋ tızesıne otyryp alyp, qyrtystan äjım tartqan äjesınıŋ betın sipap, sausaǧymen terısın taryltqan eken.

Şynyn aitqanda, 90-şy jyldary kosmetologiia siiaqty biznes türı bız üşın taŋsyz edı. Ol tura 25 jyldan keiın jüzdegen äielge jastyq şaqtaryn qaitaru maqsatynda salon aşyp, jeke käsıppen ainalysatynyn bılmegen.

Medisinaǧa jol būrynnan bar edı

İlvira tabiǧaty äsem- Taşkentte därıger men mūǧalımnıŋ otbasynda düniege kelgen. Jas kezınde -aq ol bolaşaqta medisinaǧa baratynyn tüsındı. Bıraq, şyǧystyq qūndylyqtardy ūstanatyn otbasynyŋ pıkırınşe, eŋ aldymen qyzdyŋ tūrmysqa şyǧuy maŋyzdyraq. Al, oqu dep jürgende keiın jalǧyz qalyp qoiu qaupı bary anyq... Sebebı, medisinalyq universitette oqu üşın bas-aiaǧy 8 jyl uaqyt kerek bolady. Sol sebepten, äjesı med.akademiiaǧa qaraǧanda, medisinalyq kolledj maŋyzdyraq degen pıkırınen qaitpady.

 «Student kezımde kosmetika men bet kütımı önımderın satatyn ırı kompaniiada tolyq emes jūmys künımmen jūmys ıstedım. Men jaqsy jūmys ıstedım. Al 2004 jyly kompaniia delegasiiasynyŋ qūramynda Almatyǧa bardym. Maqsatym - konferensiiaǧa qatysu. Menıŋ kosmetologiiaǧa bet būrysym osy sapardan bastaldy dep oilaimyn», - dep eske alady keiıpker sol kezdegı şaqty saǧynyp...

Osy şarada kütpegen kezdesu boldy. Halyqaralyq forumǧa qatysu üşın kelgen äieldıŋ mamandyǧy feldşer bolǧanymen, kosmetolog bolyp qyzmet etıp jüredı. Ol İlviraǧa kompaniiadaǧy saudaǧa ǧana män bermei, medisinalyq bılımın paidalanyp, Almatydaǧy Medisina akademiiasynda alty ailyq dermatokosmetologiia kurstarynan ötuge keŋes beredı. Al, İlviranyŋ oys kezde mūndai mamandyqty bırınşı ret estuı edı.

 «Şamasy, būl şynymen menıŋ taǧdyrym boldy. Öitkenı auylǧa qaitar jolda bır jıgıttı kezdestırdım. Ol Taşkenttegı tuystaryna barmaq boldy. Nömır almasyp, aralasa bastadyq. Bırte-bırte sezımder paida boldy. Köp ūzamai ol üilenuge ūsynys jasady. Şynyn aitqanda, maǧan da ūnady. Toiǧa aqşasy bolmaǧandyqtan, ata-anamnyŋ aq batasyn alyp, AHAJ-da jäi ǧana qol qoidyq» - deidı İlvira.

Erlı-zaiyptylar Almatyda jataqhanada tūrdy. Qyz özı oilaǧan kurstarǧa oquǧa tüsıp, sonymen bırge stomatologiiada qosymşa jūmys ıstedı. Keiın ol jeke bılım beru ortalyǧynda taǧy bır oquyn aiaqtady. Ol özınıŋ alǧaşqy sertifikatyn 2005 jyly aldy. Al, 2007 jyly sūlulyq industriiasyndaǧy erekşe saiahatyn bastady.

Kezdeisoqtyq emes. Naqty belgıler men ömır taǧylymdary aldymnan şyǧyp otyrdy

İlvira öz oqiǧasynyŋ qalai bastalǧanyn jyly eske alady. Ömır ünemı adamdar men oqiǧalar arqyly öz belgılerın jıberetınıne erekşe senımdı. Būl saparda kezdeisoq tanysu siiaqty körınetın, bıraq būl otbasynyŋ qūryluyna äkeldı. Al ol jıgıt şynymen de äielınıŋ ideiasy men talpynystarynda ünemı qoldau körsetetın jaqsy adam bolyp şyqty. Būl beker emes.

 «Men ärqaşan adamdardyŋ maǧan ne aitqanyna jäne maǧan qandai da bır ūsynystaryna barynşa nazar audaramyn. Men jelılık kompaniiada jūmys ıstep jürgenımde-aq adamdarǧa bet kütımıne arnalǧan önımderdı ūsynyp ülgerdım. Maǧan būl kosmetika ūnady. Men özımdı osy baǧytqa tolyǧymen enudı oilady. Öitkenı mende jaqsy klienttık baza jäne satuda joǧary jetıstıkter boldy. Bıraq konferensiiadaǧy būl kezdesu maǧan odan ärı damuǧa serpın berdı jäne keŋ mümkındıkterdı körsettı. Sol äielge aqyl-keŋesı üşın ärqaşan alǧys aitamyn», – deidı sūhbat beruşı.

 Oǧan osy ömır jolynda tälımger atanǧan taǧy bır jan – Gülnar Äbenova. Ol - kosmetologtar üşın fransuz ineksiialyq preparattaryn satumen ainalysqan. İlvira oǧan jūmys ıstei bastady, olar jaqyn dos boldy. Sonymen qatar, bızdıŋ keiıpkerımız apparattyq kosmetologiiany igerdı. Öitkenı kosmetikanyŋ är brendı ädette ony qoldanuǧa arnalǧan öz qūrylǧylaryna ie boldy.

Ömır

Qorqynyşty jeŋıp, täuekelge bara alatyndar ǧana öz ısın bastauǧa şeşım qabyldai alady. Keide belgılı bır oqiǧalar türtkı bolady. İlvirada solai boldy. Ökınışke orai, 10 jylǧa juyq üilengennen keiın onyŋ otbasy būzylyp, äiel üş balany tärbieleuge mäjbür boldy.

«Jaldamaly jūmys ıstep jürgen toǧyz jyl ışınde men klientterdıŋ maǧan qaita oralatynyn, rahmet aityp, keŋester qaldyratynyn baiqadym. Balalar ösken saiyn olarmen köbırek uaqyt ötkızgım keldı. Sondyqtan 2013 jyly men özım üşın jūmys ısteudı şeştım jäne būl menıŋ eŋ jaqsy şeşımım boldy. Qanşa aianyşty estılse de, būl qadamǧa menı ajyrasu itermeledı», – deidı käsıpker äiel.

 Öz ısın bastaǧan kezde oǧan qandai qasietter kömektestı degen sūraqqa İlvira: emosionaldy tūraqty sipatqa ie bolu maŋyzdy. Adamdarmen jūmys ıstegende barlyǧyna ortaq közqaras tabu, tyŋdai bılu, şydamdylyq, köpşıl, şyǧarmaşylyq tūrǧyda boluy kerek. Onyŋ būl qasietterı jas kezınen boldy. Bıraq köp jyldyq täjıribenıŋ arqasynda olar barynşa küştırek damydy.

«Ärine, qorqynyşty boldy. Bıraq menıŋ tūraqty közqarasym qalyptasty: neden qorqasyz, sonda baryǧyz degen. Sonda sız küş alasyz. Onyŋ üstıne 19 jasymnan osy salada eŋbek etıp, öz käsıbımdı bıldım. Men ärqaşan sūlulyq jasaudy ūnatamyn. Al kosmetologiia ärqaşan ädemı jäne pozitiv äielderdı bıldıredı. Klientterımnıŋ quanyşyn körgende qandai emosiialar alǧanymdy elestete almaisyz. Būl tek eŋbekaqy ǧana emes. Adamǧa zo küş beretın - motivasiia», - dep jymidy keiıpker.

Basqa elge qonys audaru jäne biznes

Keiıpkerımız mūnymen toqtamai, alǧa ūmtylatyn jandardyŋ bırı. Ol kökjiekten tys ne bar ekenın, qandai mädeniet bar ekenın, kosmetologiianyŋ qalai damyp jatqanyn bıluge ärqaşan qyzyǧuşylyq tanytyp otyrdy.

 «2019 jyly men Ystambulda boldym jäne būl qalanyŋ energiiasy men dinamikasyna taŋ qaldym. Maqsatym- sonda tūrǧym keldı. Al, elge oralǧanda , pandemiia bastaldy. Sol kezdegı köptegen adamdar siiaqty men üide otyryp, bırınen soŋ bırı ötkızıp, onlain kursqa qatysa bastadym. Sodan bır ataqty blogerdıŋ marafondaryna qatystym. Bızge oidaǧy tılekterdı jazu tapsyryldy. Sonda men basqa elde tabysty kosmetolog bolǧym keletının atap öttım», - deidı İlvira.

  Ol tızımdegı barlyq maqsattaryna jettı. Al 2020 jyly ol balalarymen Stambulǧa köşıp, sol jerden päter satyp aldy. Bıraq, äsırese şetelde öz käsıbıŋdı aşu – qiyndyqtardy jeŋu degen söz.

 «Türkiia – tılın, mädenietın, naryǧyn qorǧaityn el. Maǧan būl älemge enuge, olardyŋ mektebınen ötuge tura keldı. Aldymen alty ailyq tıl kurstaryna jazyldym. Men türıkşe söilei alǧan soŋ, käsıpkerlerge arnalǧan jergılıktı zaŋdardy zerttei bastadym. Biznestı tez arada zaŋdastyru üşın sol jerde estetik (apparattyq kosmetologiia arqyly bet kütımı boiynşa maman) bolu üşın oqu kerek ekenın bıldım. Būl kurstar da alty ailyq. Jalpy Türkiiada mūndaǧydai ekı-üş kündık oqudan keiın sertifikat ala almaisyŋ. Kez kelgen kurstar alty aidan nemese odan da köp uaqytqa sozylady.»

 Oqudy aiaqtaǧannan keiın İlvira memlekettık emtihandardy tapsyrdy. Sodan keiın ol jeke käsıpker retınde tırkelıp, Stambuldyŋ bedeldı audanynda keŋse jalǧa aldy. Aşu kezınde eşqandai problemalar bolǧan joq. Käsıpkerde resmi türde barlyǧy boldy. Tūruǧa rūqsat, jūmysqa rūqsat, türık kuälıkterı.

Bır qyzyǧy, adamdar qazaqstandyq kosmetolog turaly tez bılıp aldy. Instagram jäne özara habarlasa bastady. Qazaq diasporasy, basqa da orystıldıler keldı salonǧa.

 Jalpy, İlviraǧa Türkiiaǧa köşıp kelgennen keiın jeke salonyn aşuǧa bır jarym jyldan astam uaqyt qajet boldy.

Tabysty boludyŋ qūpiialary

Kez kelgen mamandyqta ünemı damu kerek, dep esepteidı keiıpkerımız. Özınıŋ äserlı täjıribesıne qaramastan, ol ünemı bılım alady. Ötken jyly Mäskeude kurstardy bıtırdım, kosmetologiianyŋ jaŋa baǧyttaryn igerdım. 2019 jyly Fransiiada ötken «Meilleur SPA Praticien France» üzdık SPA täjıribesınıŋ halyqaralyq baiqauynda kümıs jüldeger atandy. 2017 jyly Resei Federasiiasynda ötken H Halyqaralyq massaj chempionatynda ekınşı oryndy ielendı.

Eger adam damyp otyrsa, onda ol şyǧarmaşylyq tūlǧaǧa ainalady jäne pasientke köbırek kerektı dünieler bere alady, ol oǧan senımdı.

Bıraq qalai sūranysqa ie boluǧa bolady, äsırese basqa elde jäne osyndai bos biznes nişasynda?

İlvira bäsekeden qoryqpasaŋyz, naryqta qaluǧa bolady dep esepteidı. Bäsekelestık ösuge kömektesedı.

 «Qazaqstanda Türkiia siiaqty bedeldı oryndarda, joǧary deŋgeidegı klienttermen jūmys ıstedım. Bızde 5-6 kosmetolog boldy, bıraq būl menı qorqytpady. Menıŋ miymda ärkımge jūmys jetkılıktı, ärkım öz klientın tabady. Ärkım Alla Taǧalanyŋ ölşep bergen rizyǧyn alady degen oimen jürdım».

Sonymen qatar, äŋgımelesuşı pasientterge ärqaşan adal boludy ūsynady. Qyzmetın qoldan qymbattatyp, negızsız baǧanyŋ kötere beruge bolmaidy deidı. Mysaly, eger adamnyŋ salonda negızgı kütımı jetkılıktı bolsa, onda ol ineksiiaǧa jügınudıŋ nemese qajetsız qymbat proseduralardy jasatudyŋ qajetı joq. Ol, jäi şyǧyn.

Mıne, sondyqtan adamdar būl jerge qaita kele bergısı keledı. (İlviraǧa 10 jyldan astam uaqyt boiy keletın klientter bar) jäne dostaryna öz qyzmetın şeberın ūsynady. Būl jerde aqşa emes, şynaiy kömektesuge ūmtylys baiqalady.

İlviranyŋ klienttermen jūmys ısteu kezınde bırneşe qaǧidalary bar: şynşyl jäne şynaiy bolu, olarmen ünemı bailanysta bolu, qatesın moiyndai bılu.

«Menıŋ mamandyǧym boiynşa proseduralardan keiıngı qiyndyqtar bolyp tūrdy. 19 jyl jūmys ıstegende mūndai üş jaǧdai oryn aldy. Jäne olar ösuge serpın boldy. Öitkenı men är uaqytta sebepterdı tereŋırek zerttep, arnaiy jattyǧularǧa bardym jäne şūǧyl kömek körsetu daǧdylaryn igerdım. Bıraq qorqynyş saqtalady, būl qalypty jaǧdai. Aldyŋda qoryqpaityn kosmetolog bolsa, oǧan barmau kerek degen pıkırler aitylady. Ol ras. Būl qorqynyş öz ısın bılmeuden emes, bärı jaqsy bolady degen alaŋdauşylyqtan tuyndaidy »

 Maqtanyş pen motivasiia

 Sız qaşan özıŋızdı tabysty sezınesız dep sūraǧanda, İlvira bylai dep jauap berdı: men türık tılın üirenıp, Ystambūlda salon aşyp, ekı qymbat qūrylǧy satyp alyp, Qazaqstanǧa qonaqqa baruǧa ūşyp ketkende. Öitkenı, kezınde, ol ketkennen keiın kei adamdar ol qyzdyŋ qolynan eşteŋe kelmeidı. Elge qaita oralady dep oilaǧan. Soǧan sengen.

 «Otbasyma jäne dostaryma qonaqqa kelgende men özımdı maqtan tūttym. Öitkenı, men eşkımnıŋ qarjylai kömegınsız bärın öz qolymmen jasadym.Menıŋ tanymal biznesım bar, men şetelde astyrtyn emes, zaŋdy türde jūmys ısteimın. Alla Taǧalanyŋ kömegımen jäne tabandylyǧym men qajyrly eŋbegımnıŋ arqasynda men osyndai nätijelerge qol jetkızdım», - dep bölıstı İlvira.

Ol balalaryn özınıŋ basty motivatorlary dep ataidy. Örşıl adam bolǧandyqtan, ol olardy bırdei ruhta tärbieleidı. Dälırek aitqanda, ol özın-özı tärbielep, olarǧa mümkın emes närsenıŋ joqtyǧyn öz ülgısımen däleldeidı. Bastysy tılegıŋ bolsyn, aldyŋa maqsat qoi, özıŋe de, adamdarǧa da adal bol, sonda bärı oidaǧydai bolady. Baqytymyzǧa orai, balalar özara jauap beredı: olar jaqsy oqidy jäne özındık jetıstıkterı bar. Ystambūlda ekı ūl da bırınşı jartyjyldyqty altyn medalmen bıtırıp, anasynyŋ maqtanyşy boldy.

 Käsıpker keŋesı

Är adamnyŋ özın qalpyna keltıretın jäne küş beretın orny nemese äreketı boluy kerek. İlvira üşın būl aptanyŋ bes künın arnaityn sport türı. Ol oǧan quat pen pozitivtı zariad beredı. Ol 40 jastan keiın äiel denı sau jäne tolyq boluy kerek dep sanaidy. Sondyqtan dūrys tamaqtanu jäne jaman ädetterdıŋ bolmauy da maŋyzdy.

 «Menıŋ basty keŋesım: qorqynyştaryŋyzǧa qaramastan, olarǧa qarai jürıŋız. Onda sız küş alasyz. Endı menıŋ jaŋa maqsattarym bar, soǧan jetemın. Endı Türkiia emes, Europa, AQŞ. Kışkentai qorqynyştar bar, bıraq men olarmen qalai jūmys ısteu kerektıgın bılemın. Qalau jaqsy, bıraq baru jäne jasau äldeqaida jaqsy», - dep tüiındedı sūqbat beruşı