«بۇل سۇراققا بىرنەشە رەت جاۋاپ بەردىك. تاعى دا جاۋاپ بەرەيىن سىزگە. مەنىڭ قىزمەتتىك كولىگىمدى پرەزيدەنت ءىس باسقارماسى ۇسىنعان. بۇل – Kia كولىگى. ءوزىم تاڭداماعاندىقتان، قايدا قۇراستىرىلعانىن ايتا المايمىن. بۇل كولىكتەردى بىزگە تاڭداتپايدى»، - دەدى مينيستر.
باق وكىلدەرى ونەركاسىپ سالاسىن باسقاراتىن مينيسترگە نەگە وتاندىق كولىكپەن ءجۇرىپ، وزگەلەرگە ۇلگى كورسەتۋگە بولمايتىنىن سۇرادى.
«ءبىر جاعىنان سىزدىكى دۇرىس شىعار. قازاقستاندا قۇراستىرىلعان اۆتوموبيلگە وتىرۋ كەرەك شىعار. مەن ەلىمىزدە قۇراستىرىلعان كولىك بەرۋىن سۇراپ كورەيىن. بۇعان دەيىنگى جۇمىسىمدا Elantra كولىگىمەن جۇرگەنمىن. قىزمەت ورنىم اۋىستى دا، بەرگەن كولىكپەن جۇرە بەردىم. كولىك ماسەلەسىن كوتەرمەگەن بولاتىنمىن. ەندى قايتادان ەلدە قۇراستىرىلعان كولىككە وتىرامىن. بۇدان ەشقانداي پروبلەما كورىپ وتىرعان جوقپىن. بۇل جەردە ماعان قانداي كولىك بەرەتىنىنە بايلانىستى. نە بەرسە، سونىمەن جۇرەمىن»، - دەدى قانات شارلاپاەۆ.
