«Būl sūraqqa bırneşe ret jauap berdık. Taǧy da jauap bereiın sızge. Menıŋ qyzmettık kölıgımdı Prezident ıs basqarmasy ūsynǧan. Būl – Kia kölıgı. Özım taŋdamaǧandyqtan, qaida qūrastyrylǧanyn aita almaimyn. Būl kölıkterdı bızge taŋdatpaidy», - dedı ministr.

BAQ ökılderı önerkäsıp salasyn basqaratyn ministrge nege otandyq kölıkpen jürıp, özgelerge ülgı körsetuge bolmaitynyn sūrady.

«Bır jaǧynan sızdıkı dūrys şyǧar. Qazaqstanda qūrastyrylǧan avtomobilge otyru kerek şyǧar. Men elımızde qūrastyrylǧan kölık beruın sūrap köreiın. Būǧan deiıngı jūmysymda Elantra kölıgımen jürgenmın. Qyzmet ornym auysty da, bergen kölıkpen jüre berdım. Kölık mäselesın kötermegen bolatynmyn. Endı qaitadan elde qūrastyrylǧan kölıkke otyramyn. Būdan eşqandai problema körıp otyrǧan joqpyn. Būl jerde maǧan qandai kölık beretınıne bailanysty. Ne berse, sonymen jüremın», - dedı Qanat Şarlapaev.