وسى مەموراندۋمعا سايكەس 2025 جىلدىڭ 1 قاڭتارىنان باستاپ «ءىnDriver» تاكسي قوسىمشاسىنا باسقا مەملەكەتتە تىركەلگەن، باسقارۋ قۇرىلعىلارى وڭ جاقتا ورنالاسقان جانە قر زاڭناماسىن ءجيى بۇزاتىن اۆتوكولىكتەرگە تىركەلۋگە شەكتەۋ قويىلادى، دەپ حابارلايدى Ras.kz پورتالى Kazinform-عا سىلتەمە جاساپ.

«مۇنىڭ سەبەبى سوڭعى كەزدەرى جۇرگىزۋشىنىڭ تىنىعۋ رەجيمىنىڭ بۇزىلۋى، رەيس الدىندا مەديتسينالىق جانە مەحانيكالىق تەكسەرۋدەن وتپەۋى، مىندەتتى ساقتاندىرۋسىز جولاۋشىلار تاسىمالداۋى سالدارىنان جول اپاتى كوبەيدى. ولاردىڭ ەلەۋلى بولىگى «InDriver»، «ياندەكس» تاكسي جۇرگىزۋشىلەرىمەن ورىن الۋدا. ەلىمىزدە «InDriver»، «ياندەكس» تاكسي باعدارلاماسىن ءموبيلدى قوسىمشاعا تىركەۋ ارقىلى قانشاما كولىك جولاۋشىلار تاسىمالداۋدا. الايدا ول ازاماتتار قر ۇلتتىق ستاندارتىنداعى تاكسي تاسىمالداۋشىلارىنا جانە قىزمەت كورسەتەتىن تاكسي اۆتوكولىكتەرىنە قويىلاتىن تالاپتارىنا سايكەس كەلمەيتىن اۆتوكولىكتەرمەن جولاۋشىلار تاسىمالداۋدا» دەيدى بۇل جونىندە جامبىل وبلىسى اكىمىنىڭ ورىنباسارى قاناتبەك مادىبەك.

ناقتىراق ايتقاندا، جەرگىلىكتى اتقارۋشى ورگانعا تاكسي قىزمەتىن باستاعانى جونىندە حابارلاما جولداماي، باسقارۋ قۇرىلعىلارى وڭ جاقتا ورنالاسقان، پايدالانۋ مەرزىمى 15 جىلدان اساتىن جانە اۆتوكولىك ءجۇرىسى 500 مىڭ شاقىرىمنان اساتىن، ءتىپتى باسقا مەملەكەتتە تىركەلگەن اۆتوكولىكتەرمەن جولاۋشىلار تاسىمالدانىپ ءجۇر.

بۇل رەتتە جامبىل وبلىسىندا 14 رەيدتىك جۇمىستارى ۇيىمداستىرىلىپ، 128 اۆتوكولىك تەكسەرىلدى. ناتيجەسىندە 385 حاتتاما تولتىرىلىپ، 3,5 ملن تەڭگە ايىپپۇل سالىندى.