"... وزدەرىڭىز جاقسى بىلەسىزدەر، مەملەكەت باسشىسىنىڭ تىكەلەي تاپسىرماسىمەن «اۋىل اماناتى» باعدارلاماسى قابىلدانعان بولاتىن. جوبا ارقىلى كاسىپكەرلىك پەن مال شارۋاشىلىعى جانە اۋىل شارۋاشىلىعىن دامىتۋ ماقساتىندا بەرىلگەن جەڭىلدەتىلگەن كرەديتتەردىڭ ناتيجەسىندە كوپتەگەن كۇرمەۋلى سۇراقتار وڭىنان شەشىلىپ جاتىر. اتالمىش نەسيەلىك پاكەتتەر - جىلدىق 2,5 % - بەن 5 جىلعا دەيىن، ال مال شارۋاشىلىعى سالاسىنداعى جوبالار ءۇشىن 7 جىلعا دەيىن بەرىلەدى. ءبىر عانا مىسال، اقتوبە وبلىسىنىڭ بايعانين اۋدانىندا تۇراتىن قۇتىم قاسەنوۆ ەسىمدى 76 جاستاعى اقساقال اۋلاسىنان اۋماعى 600 شارشى مەتر بولاتىن جىلىجاي سالىپ العان. قازىر وسى جەردەن جىلىنا 9 توننا ءونىم الىپ وتىر. بىلاي قاراساق، تازا تابىسى - 15 ملن.تەڭگەنى قۇرايدى. مىنە، ءىستىڭ كوزىن تاۋىپ، مۇمكىندىكتى پايدالانعاندار ءۇشىن بۇل كەرەمەت جوبا.
بۇگىندە مەملەكەتتىك باعدارلامانىڭ ورىندالۋ بارىسى ۇكىمەت باسشىسىنىڭ باستى نازارىندا. جەرگىلىكتى اكىمدەر مەن ءتيىستى سالا جەتەكشىلەرى باعدارلامانىڭ وزەكتىلىگى مەن جاۋاپكەرشىلىگىن، ستراتەگيالىق تۇرعىداعى ماڭىزدىلىعىن ءتۇسىنىپ، وسى باعىتتا ايتارلىقتاي جۇمىستار اتقارىپ جاتىر" - دەلىنگەن الەۋمەتتىك جەلىدەگى جازبادا.
«قازاقستاننىڭ ەكونوميكالىق دامۋى: اۋىلدى دامىتۋ» تاقىرىبىنداعى سۇقباتتا كۇن تارتىبىندە تۇرعان وسى جانە باسقا دا وزەكتى سۇراقتار قامتىلدى. سۇقباتتى تومەندەگى سىلتەمە ارقىلى كورۋگە بولادى.
