"... Özderıŋız jaqsy bılesızder, Memleket basşysynyŋ tıkelei tapsyrmasymen «Auyl amanaty» baǧdarlamasy qabyldanǧan bolatyn. Joba arqyly käsıpkerlık pen mal şaruaşylyǧy jäne auyl şaruaşylyǧyn damytu maqsatynda berılgen jeŋıldetılgen kreditterdıŋ nätijesınde köptegen kürmeulı sūraqtar oŋynan şeşılıp jatyr. Atalmyş nesielık paketter - jyldyq 2,5 % - ben 5 jylǧa deiın, al mal şaruaşylyǧy salasyndaǧy jobalar üşın 7 jylǧa deiın berıledı. Bır ǧana mysal, Aqtöbe oblysynyŋ Baiǧanin audanynda tūratyn Qūtym Qasenov esımdı 76 jastaǧy aqsaqal aulasynan aumaǧy 600 şarşy metr bolatyn jylyjai salyp alǧan. Qazır osy jerden jylyna 9 tonna önım alyp otyr. Bylai qarasaq, taza tabysy - 15 mln.teŋgenı qūraidy. Mıne, ıstıŋ közın tauyp, mümkındıktı paidalanǧandar üşın būl keremet joba.
Bügınde memlekettık baǧdarlamanyŋ oryndalu barysy Ükımet basşysynyŋ basty nazarynda. Jergılıktı äkımder men tiıstı sala jetekşılerı baǧdarlamanyŋ özektılıgı men jauapkerşılıgın, strategiialyq tūrǧydaǧy maŋyzdylyǧyn tüsınıp, osy baǧytta aitarlyqtai jūmystar atqaryp jatyr" - delıngen äleumettık jelıdegı jazbada.
«Qazaqstannyŋ ekonomikalyq damuy: auyldy damytu» taqyrybyndaǧy sūqbatta kün tärtıbınde tūrǧan osy jäne basqa da özektı sūraqtar qamtyldy. Sūqbatty tömendegı sılteme arqyly köruge bolady.
