وعان جاۋاپتى سالا، قۇقىق قورعاۋ ورگاندارىنىڭ باسشىلارى، وبلىستىق سايلاۋ كوميسسياسىنىڭ توراعاسى، زيالى قاۋىم وكىلدەرى قاتىستى.

ايماق باسشىسى بۇرىن اۋدان اكىمى قىزمەتىندە بولعان شەرماعانبەت مەيرامبەك زينابدينۇلىنا العىس ءبىلدىرىپ، جاڭا قىزمەتكە سايلانعان ەسماحانوۆ الماسبەك ابىلقاسىمۇلىنا ساتتىلىك تىلەدى.

«بۇعان دەيىن قازالى اۋدانىنىڭ اكىمى قىزمەتىن اتقارعان شەرماعانبەت مەيرامبەك زينابدينۇلى پرەزيدەنت اكىمشىلىگىنىڭ كەلىسىمى نەگىزىندە وبلىس اكىمىنىڭ ورىنباسارى رەتىندە قىزمەتىن جالعاستىرۋدا.

مەيرامبەك زينابدينۇلى قازالى اۋدانىندا 2 جىلعا جۋىق قىزمەت جاساپ، اۋداننىڭ دامۋىنا سۇبەلى ۇلەس قوستى.

سايلاۋ جۇيەسىن دەموكراتيالاندىرۋ – پرەزيدەنت رەفورمالارىنىڭ نەگىزگى مىندەتتەرىنىڭ ءبىرى.

وڭىرىمىزدە اۋدان اكىمدەرىن سايلاۋ 2023 جىلى پيلوتتىق نەگىزدە وتكىزىلىپ، شيەلى مەن سىرداريا اۋداندارىنىڭ اكىمدەرى سايلاندى.

كۇنى كەشە وتكەن ساياسي ناۋقاندا قازالى اۋدانىنىڭ تۇرعىندارى جوعارى بەلسەندىلىك تانىتتى. بەكەم بىرلىك پەن تاتۋ تىرلىكتىڭ ۇلگىسىن كورسەتىپ، اۋداننىڭ جارقىن بولاشاعى ءۇشىن ءوز تاڭداۋلارىن جاسادى.

الماسبەك ابىلقاسىمۇلى - باسشىلىق قىزمەتتەگى ۇيىمداستىرۋشىلىق قابىلەتى مەن تاجىريبەسى مول، ءوز جۇمىسىن جوعارى كاسىبي دەڭگەيدە اتقاراتىن الەۋەتى جوعارى كادر.

پرەزيدەنتىمىزدىڭ، ۇكىمەتتىڭ الدىمىزعا قويعان مىندەتتەرى مەن تاپسىرمالارىن ساپالى ورىنداپ، وزدەرىڭىزبەن بىرگە قازالى اۋدانىن ودان ءارى دامىتۋعا، كوركەيتۋگە ايانباي جۇمىس جاسايدى دەپ سەنەمىز. جاڭادان سايلانعان اۋدان اكىمىنە مەملەكەت باسشىمىز قاسىم-جومارت كەمەلۇلىنىڭ رەفورمالارى مەن باستامالارىن جۇزەگە اسىرۋ بويىنشا ناقتى ءارى جۇيەلى جۇمىستار جۇرگىزۋدى تاپسىرامىن.

اۋدان حالقى ۇگىت-ناسيحات كەزەڭىندەگى ءسىزدىڭ ۋادەلەرىڭىزگە سەنىپ، قولداپ داۋىس بەردى. سول سەبەپتى سايلاۋالدى باعدارلاماڭىزدا كورسەتىلگەن ءاربىر ماسەلەنىڭ وڭتايلى، مەرزىمىندە شەشىلۋىن قامتاماسىز ەتىڭىز. ءبىز، اۋدان حالقى ءاردايىم جان-جاقتى قولداۋ كورسەتەمىز.

الدىڭىزدا دامۋدىڭ بارلىق ماكروەكونوميكالىق كورسەتكىشى بويىنشا وڭ پارامەترلەرگە قول جەتكىزۋ مىندەتى تۇر. اۋدانعا ينۆەستيتسيا تارتۋ، سالىق بازاسىن ۇلعايتۋ، قوعامدىق-ساياسي تۇراقتىلىقتى ساقتاۋ، جاڭا جۇمىس ورىندارىن اشۋ مەن كاسىپكەرلىكتىڭ الەۋمەتتىك جاۋاپكەرشىلىگىن ارتتىرۋعا باعىتتالعان ناقتى جۇمىس جۇرگىزۋ قاجەت.

پرەزيدەنتىمىزدىڭ ينۆەستيتسيا تارتۋ تاپسىرماسىن ورىنداۋ ءۇشىن ينۆەستورلارمەن ءتيىستى باعىتتى ايقىنداۋ كەرەك. اۋدان اكىمىنىڭ جۇمىسى ينۆەستيتسيا تارتۋ ينديكاتورىنىڭ ورىندالۋىمەن باعالانادى. قازىرگى جاعدايدا بيۋدجەتتىڭ ءاربىر تيىنى ماڭىزدى.

بۇعان دەيىن دە باسشىلىق لاۋازىمداردا مول تاجىريبە جيناعان قىزمەتكەر رەتىندە اۋدانداعى رەسۋرستاردى بارىنشا قولدانىپ، بيۋدجەت قاراجاتىن تولىق ءارى مەرزىمىندە يگەرىپ، جوبالاردىڭ ساپالى جۇزەگە اسۋىن قامتاماسىز ەتىڭىز.

قۇقىق قورعاۋ ورگاندارىنىڭ باسشىلارىنا اۋدان اكىمىمەن بىرلەسىپ، جۇمىس جاساۋدى قاتاڭ تاپسىرامىن!»، - دەدى ن.نالىباەۆ.

ەسماحانوۆ الماسبەك ابىلقاسىمۇلى 1982 جىلى دۇنيەگە كەلگەن. قىزىلوردا گۋمانيتارلىق ۋنيۆەرسيتەتىندە ەكونوميست، قازتۇتىنۋ وداعىنىڭ قاراعاندى ەكونوميكالىق ۋنيۆەرسيتەتىندە زاڭگەر ماماندىقتارى بويىنشا ءبىلىم العان.

قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىندا «مەملەكەتتىك جانە جەرگىلىكتى باسقارۋ» ماماندىعى بويىنشا ماگيستر دارەجەسىن يەلەنگەن.

ءار جىلدارى قاراۋىلتوبە اۋىلدىق وكرۋگىنىڭ اكىمى، قىزىلوردا قالاسى اكىمى اپپاراتىنىڭ، قالالىق بىرنەشە ءبولىمنىڭ باسشىسى، وبلىس اكىمى اپپاراتىندا ءبولىم باسشىسى، شيەلى اۋدانى اكىمىنىڭ ورىنباسارى، وبلىستىق قوعامدىق دامۋ باسقارماسى باسشىسىنىڭ ورىنباسارى، باسقارما باسشىسى لاۋازىمدارىندا ناتيجەلى قىزمەت ەتتى.

2024 جىلدىڭ شىلدە ايىنان باستاپ «امانات» پارتياسى قىزىلوردا وبلىستىق فيليالىنىڭ توراعاسى قىزمەتىن اتقارىپ كەلدى.

ايتا كەتەيىك، 28 قىركۇيەكتە وتكەن قازالى اۋدانى اكىمى سايلاۋىنىڭ قورىتىندىسىن وبلىستىق سايلاۋ كوميسسياسىنىڭ توراعاسى ادىلبەك ەرسۇلتانوۆ جاريالاپ، جاڭادان سايلانعان اۋدان اكىمىنە كۋالىگىن تابىستادى.

اكتيۆ وتىرىسىنان سوڭ، ايماق باسشىسى اۋدان تۇرعىندارىمەن كەزدەسىپ، ءوڭىردىڭ الەۋمەتتىك-ەكونوميكالىق دامۋ باعدارى، الداعى جوسپارلار تۋرالى وي ءبولىستى. قازالىلىقتار وزدەرىن تولعاندىرعان ساۋالدارىن قويىپ، ۇسىنىستارىن جەتكىزدى.

ءباسپاسوز قىزمەتى