Oǧan jauapty sala, qūqyq qorǧau organdarynyŋ basşylary, oblystyq sailau komissiiasynyŋ töraǧasy, ziialy qauym ökılderı qatysty.
Aimaq basşysy būryn audan äkımı qyzmetınde bolǧan Şermaǧanbet Meirambek Zinabdinūlyna alǧys bıldırıp, jaŋa qyzmetke sailanǧan Esmahanov Almasbek Äbılqasymūlyna sättılık tıledı.
«Būǧan deiın Qazaly audanynyŋ äkımı qyzmetın atqarǧan Şermaǧanbet Meirambek Zinabdinūly Prezident Äkımşılıgınıŋ kelısımı negızınde oblys äkımınıŋ orynbasary retınde qyzmetın jalǧastyruda.
Meirambek Zinabdinūly Qazaly audanynda 2 jylǧa juyq qyzmet jasap, audannyŋ damuyna sübelı üles qosty.
Sailau jüiesın demokratiialandyru – Prezident reformalarynyŋ negızgı mındetterınıŋ bırı.
Öŋırımızde audan äkımderın sailau 2023 jyly pilottyq negızde ötkızılıp, Şielı men Syrdariia audandarynyŋ äkımderı sailandy.
Künı keşe ötken saiasi nauqanda Qazaly audanynyŋ tūrǧyndary joǧary belsendılık tanytty. Bekem bırlık pen tatu tırlıktıŋ ülgısın körsetıp, audannyŋ jarqyn bolaşaǧy üşın öz taŋdaularyn jasady.
Almasbek Äbılqasymūly - basşylyq qyzmettegı ūiymdastyruşylyq qabıletı men täjıribesı mol, öz jūmysyn joǧary käsıbi deŋgeide atqaratyn äleuetı joǧary kadr.
Prezidentımızdıŋ, Ükımettıŋ aldymyzǧa qoiǧan mındetterı men tapsyrmalaryn sapaly oryndap, Özderıŋızben bırge Qazaly audanyn odan ärı damytuǧa, körkeituge aianbai jūmys jasaidy dep senemız. Jaŋadan sailanǧan audan äkımıne Memleket basşymyz Qasym-Jomart Kemelūlynyŋ reformalary men bastamalaryn jüzege asyru boiynşa naqty ärı jüielı jūmystar jürgızudı tapsyramyn.
Audan halqy ügıt-nasihat kezeŋındegı Sızdıŋ uädelerıŋızge senıp, qoldap dauys berdı. Sol sebeptı sailaualdy baǧdarlamaŋyzda körsetılgen ärbır mäselenıŋ oŋtaily, merzımınde şeşıluın qamtamasyz etıŋız. Bız, audan halqy ärdaiym jan-jaqty qoldau körsetemız.
Aldyŋyzda damudyŋ barlyq makroekonomikalyq körsetkışı boiynşa oŋ parametrlerge qol jetkızu mındetı tūr. Audanǧa investisiia tartu, salyq bazasyn ūlǧaitu, qoǧamdyq-saiasi tūraqtylyqty saqtau, jaŋa jūmys oryndaryn aşu men käsıpkerlıktıŋ äleumettık jauapkerşılıgın arttyruǧa baǧyttalǧan naqty jūmys jürgızu qajet.
Prezidentımızdıŋ investisiia tartu tapsyrmasyn oryndau üşın investorlarmen tiıstı baǧytty aiqyndau kerek. Audan äkımınıŋ jūmysy investisiia tartu indikatorynyŋ oryndaluymen baǧalanady. Qazırgı jaǧdaida biudjettıŋ ärbır tiyny maŋyzdy.
Būǧan deiın de basşylyq lauazymdarda mol täjıribe jinaǧan qyzmetker retınde audandaǧy resurstardy barynşa qoldanyp, biudjet qarajatyn tolyq ärı merzımınde igerıp, jobalardyŋ sapaly jüzege asuyn qamtamasyz etıŋız.
Qūqyq qorǧau organdarynyŋ basşylaryna audan äkımımen bırlesıp, jūmys jasaudy qataŋ tapsyramyn!», - dedı N.Nälıbaev.
Esmahanov Almasbek Äbılqasymūly 1982 jyly düniege kelgen. Qyzylorda gumanitarlyq universitetınde ekonomist, Qaztūtynu odaǧynyŋ Qaraǧandy ekonomikalyq universitetınde zaŋger mamandyqtary boiynşa bılım alǧan.
Qazaqstan Respublikasy Prezidentı janyndaǧy Memlekettık basqaru akademiiasynda «Memlekettık jäne jergılıktı basqaru» mamandyǧy boiynşa magistr därejesın ielengen.
Är jyldary Qarauyltöbe auyldyq okrugınıŋ äkımı, Qyzylorda qalasy äkımı apparatynyŋ, qalalyq bırneşe bölımnıŋ basşysy, oblys äkımı apparatynda bölım basşysy, Şielı audany äkımınıŋ orynbasary, oblystyq qoǧamdyq damu basqarmasy basşysynyŋ orynbasary, basqarma basşysy lauazymdarynda nätijelı qyzmet ettı.
2024 jyldyŋ şılde aiynan bastap «AMANAT» partiiasy Qyzylorda oblystyq filialynyŋ töraǧasy qyzmetın atqaryp keldı.
Aita keteiık, 28 qyrküiekte ötken Qazaly audany äkımı sailauynyŋ qorytyndysyn oblystyq sailau komissiiasynyŋ töraǧasy Ädılbek Ersūltanov jariialap, jaŋadan sailanǧan audan äkımıne kuälıgın tabystady.
Aktiv otyrysynan soŋ, aimaq basşysy audan tūrǧyndarymen kezdesıp, öŋırdıŋ äleumettık-ekonomikalyq damu baǧdary, aldaǧy josparlar turaly oi bölıstı. Qazalylyqtar özderın tolǧandyrǧan saualdaryn qoiyp, ūsynystaryn jetkızdı.
Baspasöz qyzmetı
