كىتاپتا «2-مۇسىلمان باتالونى» دەگەن اتپەن تانىلعان 177-ارنايى جاساقتىڭ (كومانديرى اتى اڭىزعا اينالعان «قارا مايور» – بوريس كەرىمباەۆ) اسكەري حيرۋرگى سوعىس كەزىندە ءوز كوزىمەن نەبىر جارالىنى كورگەنىن، ولاردى قالاي ەمدەگەنىن جازادى. ءتىپتى مينادان، باسقا دا جارىلىس زاتتاردان اياق نەمەسە قولى جۇلىنىپ قالعان جانتۇرشىگەرلىك وقيعالاردى ەسكە الادى. 

«سوعىس كەزىندە كوممەرتسيالىق ساتتەر دە بولدى. بىردە اۋعانستان ازاماتىنىڭ قولىندا جارىلعىش زات جارىلىپ، قاتتى جاراقات العان. ساۋساقتارى جۇلىنىپ قالىپتى. سودان كەيىن ول ازامات بىزگە اكەلىنگەن سوڭ دەرەۋ وتاعا كىرىستىك. وتا ءساتتى جاسالدى. جالپى، اۋعان ازاماتتارىنىڭ اعزالارى مىقتى بولعاندىقتان، ولاردىڭ جارالارى تەز جازىلاتىن. قولى جارالانعان ازاماتتىڭ دا دەنساۋلىعى جىلدام قالپىنا كەلدى. وتادان كەيىن ءبىر اپتادان سوڭ ول نەمەرە قىزىمەن بىرگە كەلىپ، بىزگە قولىنداعى موشەكتى ۇسىندى. «سەن مەنى امان الىپ قالدىڭ. سول ءۇشىن سەندەرگە العىسىم زور. بۇل مەنىڭ سەندەرگە سىيلىعىم بولسىن. قولىمدا بۇدان باسقا ەشتەڭە جوق»، - دەدى. سويتسەك، موشەكتىڭ ءىشى تولعان اناشا بولىپ شىقتى. سودان ارتىنشا سانيتارلىق ءبولىم ونى وتقا جاعىپ جىبەردى»، - دەپ وتتى جىلداردى ەسكە الادى اسىلحان ۋتەەۆ «نا وسترىە سكالپەليا» كىتابىندا.