Мемлекет басшысының жергілікті бюджетке ревизия жүргізіп, тиімсіз шығыстарды (мерекелік және өзге де іс-шараларды өткізуге арналған шығындарды, өкілдік, іссапар шығыстарын, мемлекетке экономикалық пайда әкелмейтін шығыстарды және т.б.) қысқарту тапсырмасын орындау мақсатында жергілікті бюджет шығыстарын оңтайландыру іс-шаралары жыл сайын жүргізілуде.

Бұл ретте, 2024 жылы облыс аумағында орын алған табиғи сипаттағы төтенше жағдайдың салдарын жоюға мақсатында, жергілікті бюджетке қосымша талдау жасалып, нәтижесінде жалпы 14,2 млрд.теңге оңтайландырылды (имидждік және басқа да мәдени іс-шаралар, іс-сапар шығындары, жобаларды іске асыру мерзімін қайта қарау, ағымдағы шығыстар және т.б.).

Сондай-ақ, 2025-2027 жылдарға арналған бюджетті қалыптастыру барысында шамамен 3 млрд.теңге (мәдени, мерекелік, имидждік және т.б іс-шаралар өткізу, семинар, форум, конференциялар, іс-сапар шығындары, жобаларды іске асыру және т.б.) оңтайландырылып, тиісінше аталған қаражаттар облыстың әлеуметтік мәселелерін шешуге бағытталды.