مەملەكەت باسشىسىنىڭ جەرگىلىكتى بيۋدجەتكە رەۆيزيا جۇرگىزىپ، ءتيىمسىز شىعىستاردى (مەرەكەلىك جانە وزگە دە ءىس-شارالاردى وتكىزۋگە ارنالعان شىعىنداردى، وكىلدىك، ءىسساپار شىعىستارىن، مەملەكەتكە ەكونوميكالىق پايدا اكەلمەيتىن شىعىستاردى جانە ت.ب.) قىسقارتۋ تاپسىرماسىن ورىنداۋ ماقساتىندا جەرگىلىكتى بيۋدجەت شىعىستارىن وڭتايلاندىرۋ ءىس-شارالارى جىل سايىن جۇرگىزىلۋدە.

بۇل رەتتە، 2024 جىلى وبلىس اۋماعىندا ورىن العان تابيعي سيپاتتاعى توتەنشە جاعدايدىڭ سالدارىن جويۋعا ماقساتىندا، جەرگىلىكتى بيۋدجەتكە قوسىمشا تالداۋ جاسالىپ، ناتيجەسىندە جالپى 14,2 ملرد.تەڭگە وڭتايلاندىرىلدى (يميدجدىك جانە باسقا دا مادەني ءىس-شارالار، ءىس-ساپار شىعىندارى، جوبالاردى ىسكە اسىرۋ مەرزىمىن قايتا قاراۋ، اعىمداعى شىعىستار جانە ت.ب.).

سونداي-اق، 2025-2027 جىلدارعا ارنالعان بيۋدجەتتى قالىپتاستىرۋ بارىسىندا شامامەن 3 ملرد.تەڭگە (مادەني، مەرەكەلىك، يميدجدىك جانە ت.ب ءىس-شارالار وتكىزۋ، سەمينار، فورۋم، كونفەرەنتسيالار، ءىس-ساپار شىعىندارى، جوبالاردى ىسكە اسىرۋ جانە ت.ب.) وڭتايلاندىرىلىپ، تيىسىنشە اتالعان قاراجاتتار وبلىستىڭ الەۋمەتتىك ماسەلەلەرىن شەشۋگە باعىتتالدى.