«بۇل جۇمىس توقتاعان جوق. بەلسەندى تۇردە جۇرگىزىلىپ جاتىر. جاقىندا بۇل جاعداي بويىنشا وڭ شەشىم بولىپ قالادى دەپ سەنەم. بۇل باعىتتا جۇمىستار وڭاي ەمەس»، – دەيدى ع. قويگەلديەۆ.
ونىڭ سوزىنشە، باس پروكۋراتۋرا اقجارقىن تۇرلىبايدى قىتايدان قايتارۋعا بار كۇش-جىگەرىن سالىپ جاتىر.
ەستەرىڭىزگە سالساق، قىتاي سوتى 2014 جىلى ناۋرىزدا گۋانچجوۋ اۋەجايىندا مالايزياعا ۇشقالى تۇرعان جەرىندە ەسىرتكىگە قاتىستى تۇتقىندالعان اقجارقىن تۇرلىبايدى ءومىر بويىنا باس بوستاندىعىنان ايىرۋ جازاسىنا كەسكەن. 2016 جىلى گۋاندۋن قالاسىنداعى اپەللياتسيالىق سوت ونىڭ ءومىر بويىنا باس بوستاندىعىنان ايىرۋ جازاسىن وزگەرتۋ جانە ءىستى ءبىرىنشى ساتىداعى سوتتىڭ قاراۋىنا جىبەرۋ تۋرالى شەشىم شىعارعان.
