5574 اسكەري ءبولىمى مەملەكەت باسشىسىنىڭ تاپسىرماسىمەن تۇركىستانداعى قوعامدىق تىنىشتىقتى ساقتاۋ جانە تۇرعىندار مەن تۋريستەردىڭ قاۋىپسىزدىگىن قامتاماسىز ەتۋ ماقساتىندا اشىلعان.

گەنەرال-مايور ا. بالتابەكوۆ اسكەري ءبولىمنىڭ ماتەريالدىق-تەحنيكالىق بازاسىمەن تانىسىپ، تاريحي شاھارداعى جاۋىنگەرلىك قىزمەتتىڭ جاي-جاپسارىنا ءۇڭىلدى. مۇنداعى 150 سارباز جىل باسىنان بەرى 281 قۇقىق بۇزۋشىلىقتى انىقتاعان.

باس قولباسشىنىڭ تۇركىستان قالاسىنداعى قىزمەتتىك ءىسساپارى وبلىستىق پوليتسيا دەپارتامەنتىندە دە جالعاستى. ول جەردە جەدەل باسقارۋ ورتالىعىن جانە كەزەكشى ءبولىمدى ارالاپ شىقتى. وسىدان سوڭ ول قۇقىقتىق ءتارتىپ اسكەرىنىڭ شىمكەنت قالاسىنداعى 6506 اسكەري بولىمىنە اتباسىن بۇردى.

اڭساعان بالتابەكوۆ اسكەري ءبولىم قولباسشىلىعىمەن وزەكتى ماسەلەلەردى تالقىلادى. جەكە قۇرامنىڭ جاعدايىنا نازار اۋدارىپ، ساربازداردىڭ ساپالى تاماقپەن جانە مەديتسينالىق كومەكپەن قامتاماسىز ەتىلۋىن تالاپ ەتتى. اسكەري قىزمەتشىلەرمەن كەزدەسۋ وتكىزىپ، ولاردى تولعاندىرعان سۇراقتارعا جاۋاپ بەردى.

بۇدان بولەك 6698 اسكەري ءبولىمى مەن 6506 قۇراماسىنىڭ 1 جەدەل ماقساتتاعى باتالونى ورنالاسقان عيماراتتاردىڭ جاي-كۇيىن كوردى. ماسەلەلەردى شەشۋ جولدارىن پىسىقتاپ، جان-جاقتى زەرتتەپ-زەردەلەۋ قاجەتتىگىن اتاپ ءوتتى.

ايتا كەتەيىك، ۇلتتىق ۇلان باس قولباسشىسى اسكەري قىزمەتشىلەردىڭ قىزمەتىنە تابىس تىلەپ، قۇقىقتىق ءتارتىپ پەن قوعامدىق قاۋىپسىزدىكتى نىعايتۋ جولىنداعى ەڭبەكتەرىن جوعارى باعالادى.