نەگىزگى ماقسات - سولتۇستىك قازاقستان وبلىسىنىڭ سۋ تاسقىنىنان زارداپ شەككەن تەپليچنوە جانە بولشايا مالىشكا اۋىلدارىندا قر ىشكى ىستەر مينيسترلىگىنىڭ ۇلتتىق ۇلانىنىڭ اسكەري قىزمەتشىلەرى قوعامدىق ءتارتىپتى ساقتاۋ

كۇن سايىن سۋ باسقان ايماقتا 50 اسكەري قىزمەتشى پاترۋلدىك قىزمەت اتقارادى. ولاردىڭ باستى مىندەتى — سۋ باسقان اۋماقتارعا رۇقساتسىز ادامداردىڭ كىرۋىنە جول بەرمەۋ، توتەنشە وقيعالار كەزىندە جەدەل ارەكەت ەتۋ. ۇلاندىقتار قوعامدىق ءتارتىپتى ساقتاۋ بارىسىندا جەرگىلىكتى بيلىك وكىلدەرىمەن جانە توتەنشە جاعدايلار قىزمەتكەرلەرىمەن بىرلەسىپ جۇمىس جۇرگىزۋدە. سونىمەن بىرگە، تۇرعىنداردىڭ قاۋىپتى ايماقتارعا ءوتۋىن نەمەسە سۋعا ءتۇسىپ كەتۋىن بولدىرماۋ ءۇشىن ساقتىق شارالارى قولعا الىنعان.

24 ساۋىردەن بەرى ۇلتتىق ۇلان اكادەمياسىنىڭ 800-دەن استام كۋرسانتى مەن 6637 اسكەري ءبولىمىنىڭ 400-گە جۋىق اسكەري قىزمەتشىسى سقو-دا بوگەتتەردى نىعايتۋ جانە قورعانىس شەپتەرىن تۇرعىزۋ جۇمىستارىنا تارتىلدى.

سونداي-اق، ەسىل وزەنىنىڭ تاسۋى سالدارىنان بۇزىلعان بولشايا مالىشكا اۋىلى ماڭىنداعى بوگەتتى 100-دەن اسا اسكەري قىزمەتشى قايتا بىتەپ، بەكىتۋ جۇمىستارىن جۇرگىزدى. بۇل جۇمىستار تاۋلىك بويى ۇزدىكسىز اتقارىلىپ، جاعداي وزگەرگەن سايىن جەدەل ارەكەت ەتىلۋدە.

اسكەري قىزمەتشىلەر تاۋلىك بويى قىزمەت اتقارادى. ولار ازاماتتاردىڭ قاۋىپسىزدىگىن قامتاماسىز ەتىپ، سۋ باسقان اۋماقتارداعى مۇلىكتى كۇزەتۋدە.

ۇلتتىق ۇلان