Negızgı maqsat - Soltüstık Qazaqstan oblysynyŋ su tasqynynan zardap şekken Teplichnoe jäne Bolşaia Malyşka auyldarynda QR Işkı ıster ministrlıgınıŋ Ūlttyq ūlanynyŋ äskeri qyzmetşılerı qoǧamdyq tärtıptı saqtau

Kün saiyn su basqan aimaqta 50 äskeri qyzmetşı patruldık qyzmet atqarady. Olardyŋ basty mındetı — su basqan aumaqtarǧa rūqsatsyz adamdardyŋ kıruıne jol bermeu, tötenşe oqiǧalar kezınde jedel äreket etu. Ūlandyqtar qoǧamdyq tärtıptı saqtau barysynda jergılıktı bilık ökılderımen jäne tötenşe jaǧdailar qyzmetkerlerımen bırlesıp jūmys jürgızude. Sonymen bırge, tūrǧyndardyŋ qauıptı aimaqtarǧa ötuın nemese suǧa tüsıp ketuın boldyrmau üşın saqtyq şaralary qolǧa alynǧan.

24 säuırden berı Ūlttyq ūlan Akademiiasynyŋ 800-den astam kursanty men 6637 äskeri bölımınıŋ 400-ge juyq äskeri qyzmetşısı SQO-da bögetterdı nyǧaitu jäne qorǧanys şepterın tūrǧyzu jūmystaryna tartyldy.

Sondai-aq, Esıl özenınıŋ tasuy saldarynan būzylǧan Bolşaia Malyşka auyly maŋyndaǧy bögettı 100-den asa äskeri qyzmetşı qaita bıtep, bekıtu jūmystaryn jürgızdı. Būl jūmystar täulık boiy üzdıksız atqarylyp, jaǧdai özgergen saiyn jedel äreket etılude.

Äskeri qyzmetşıler täulık boiy qyzmet atqarady. Olar azamattardyŋ qauıpsızdıgın qamtamasyz etıp, su basqan aumaqtardaǧy mülıktı küzetude.

Ūlttyq ūlan