2024 جىلدىڭ 27 جەلتوقسانىندا «ۇلتتىق اقپاراتتىق تەحنولوگيالار» اق (ۇات) العاشقى وبليگاتسيالارىن قازاقستان قور بيرجاسىنا (KASE) ءساتتى ورنالاستىردى. كومپانيا جىلدىق 19% مولشەرلەمەمەن 3 ميلليارد تەڭگەنى تارتتى.

وبليگاتسيالاردى ورنالاستىرۋ ۇاق-عا قارىز كاپيتالى نارىعىنا شىعۋعا مۇمكىندىك بەردى، بۇل كومپانيانىڭ دامۋى ءۇشىن ماڭىزدى قادام بولدى. جينالعان قاراجات قازاقستاننىڭ مەملەكەتتىك ورگاندارىنىڭ جۇمىسىن قامتاماسىز ەتەتىن اقپاراتتىق-كوممۋنيكاتسيالىق قىزمەتتەردىڭ ينفراقۇرىلىمىن دامىتۋعا جۇمسالادى.

وبليگاتسيا – كومپانيالارعا دامۋ ءۇشىن قاراجات تارتۋعا مۇمكىندىك بەرەتىن قارىزدىق قۇندى قاعاز. وبليگاتسيانى ساتىپ العان ينۆەستور تۇراقتى پايىزدىق كىرىس الادى. كومپانيانىڭ وبليگاتسيالارىنا NITCb1 ساۋدا كودى بەرىلگەن. العاشقى پايىزدىق تولەم 2025 جىلدىڭ ماۋسىمىندا كۇتىلۋدە.

«ۇلتتىق اقپاراتتىق تەحنولوگيالار» اق – قازاقستان رەسپۋبليكاسىنىڭ مەملەكەتتىك ورگاندارى ءۇشىن تسيفرلىق شەشىمدەردىڭ جەتەكشى جەتكىزۋشىسى. كومپانيا 2000 جىلى قۇرىلىپ، اقپاراتتىق-كوممۋنيكاتسيالىق قىزمەتتەر كورسەتۋ سالاسىندا ماماندانادى. كومپانيا جۇزەگە اسىراتىن جوبالار قاتارىندا – «ەلەكتروندى ۇكىمەت» پورتالى، ە-ليتسەنزيالاۋ، ءموبيلدى قوسىمشا «eGov Mobile»، Smart Bridge جوباسى جانە باسقالارى بار.

فوتو اشىق دەرەككوزدەردەن الىندى