2024 jyldyŋ 27 jeltoqsanynda «Ūlttyq aqparattyq tehnologiialar» AQ (ŪAT) alǧaşqy obligasiialaryn Qazaqstan qor birjasyna (KASE) sättı ornalastyrdy. Kompaniia jyldyq 19% mölşerlememen 3 milliard teŋgenı tartty.

Obligasiialardy ornalastyru ŪAQ-ǧa qaryz kapitaly naryǧyna şyǧuǧa mümkındık berdı, būl kompaniianyŋ damuy üşın maŋyzdy qadam boldy. Jinalǧan qarajat Qazaqstannyŋ memlekettık organdarynyŋ jūmysyn qamtamasyz etetın aqparattyq-kommunikasiialyq qyzmetterdıŋ infraqūrylymyn damytuǧa jūmsalady.

Obligasiia – kompaniialarǧa damu üşın qarajat tartuǧa mümkındık beretın qaryzdyq qūndy qaǧaz. Obligasiiany satyp alǧan investor tūraqty paiyzdyq kırıs alady. Kompaniianyŋ obligasiialaryna NITCb1 sauda kody berılgen. Alǧaşqy paiyzdyq tölem 2025 jyldyŋ mausymynda kütılude.

«Ūlttyq aqparattyq tehnologiialar» AQ – Qazaqstan Respublikasynyŋ memlekettık organdary üşın sifrlyq şeşımderdıŋ jetekşı jetkızuşısı. Kompaniia 2000 jyly qūrylyp, aqparattyq-kommunikasiialyq qyzmetter körsetu salasynda mamandanady. Kompaniia jüzege asyratyn jobalar qatarynda – «elektrondy ükımet» portaly, e-Lisenziialau, mobildı qosymşa «eGov Mobile», Smart Bridge jobasy jäne basqalary bar.

Foto aşyq derekközderden alyndy