سالتاناتتى ءىس-شارانىڭ اشىلۋىندا كيەۆ اكادەميالىق قالالىق ۇرمەلى اسپاپتار وركەستىرىنىڭ ورىنداۋىندا ۋكراينا مەن قازاقستاننىڭ ءانۇرانى شىرقالدى.
ۋكراينا حالىق دەپۋتاتى، «ۋكراينا-قازاقستان» پارلامەنتارلىق دوستىق توبىنىڭ جەتەكشىسى سەرگەي ناگورنياكتىڭ قولداۋىمەن وتكەن ءىس-شاراعا تاراس شەۆچەنكو اتىنداعى كۇۋ رەكتورى ۆلاديمير بۋگروۆ، شەۆچەنكو اۋدانى اكىمشىلىگىنىڭ باسشىسى الەكساندر پوپوۆتسەۆ قاتىستى.
كيەۆتىڭ «بورۆنيچەك» ۋكراين بي مەكتەبىنىڭ وقۋشىلارى قوناقتارعا قازاقتىڭ «قاماجاي» ءبيىن تارتۋ ەتتى.
ال «ۆەسەلات» حالىق ءانىنىڭ ۆوكالدىق ءانسامبىلى ۋكراين-قازاق دوستىعىنا ارنالعان «دوستىق» ءانىن ورىندادى.
قازاقستاندىقتاردى رەسپۋبليكا كۇنىمەن قۇتتىقتاۋعا تاراس شەۆچەنكونىڭ شاعىن وتانىنان بىرقاتار توپ ونەر كورسەتتى. سولاردىڭ قاتارىندا زۆەنيگورودكا قالاسىنان «زاپەۆ» اۋەسقوي حالىق ءان ءانسامبىلى، مانكوۆششيناداعى دزەنزيلوۆكا اۋىلىنان «رودينا» اۋەسقوي حالىق حورى بار.
قوناقتارعا قازاقى شاي مەن باۋىرساق ۇسىنىلدى.
