Saltanatty ıs-şaranyŋ aşyluynda Kiev akademiialyq qalalyq ürmelı aspaptar orkestırınıŋ oryndauynda Ukraina men Qazaqstannyŋ Änūrany şyrqaldy.

Ukraina halyq deputaty, «Ukraina-Qazaqstan» parlamentarlyq dostyq tobynyŋ jetekşısı Sergei Nagorniaktıŋ qoldauymen ötken ıs-şaraǧa Taras Şevchenko atyndaǧy KŪU rektory Vladimir Bugrov, Şevchenko audany äkımşılıgınıŋ basşysy Aleksandr Popovsev qatysty.

Kievtıŋ «Borvnichek» ukrain bi mektebınıŋ oquşylary qonaqtarǧa qazaqtyŋ «Qamajai» biın tartu ettı.

Al «Veselat» halyq änınıŋ vokaldyq ansambılı ukrain-qazaq dostyǧyna arnalǧan «Dostyq» änın oryndady.

Qazaqstandyqtardy Respublika künımen qūttyqtauǧa Taras Şevchenkonyŋ şaǧyn otanynan bırqatar top öner körsettı. Solardyŋ qatarynda Zvenigorodka qalasynan «Zapev» äuesqoi halyq än ansambılı, Mankovşinadaǧy Dzenzilovka auylynan «Rodina» äuesqoi halyq hory bar.

Qonaqtarǧa qazaqy şai men bauyrsaq ūsynyldy.