جاڭا سەرۆيس يدەنتيفيكاتسيالىق كودتار دەرەكقورى ارقىلى (يكد) IMEI-كودتىڭ تىركەلگەن-تىركەلمەگەنىن انىقتاۋعا، سونداي-اق ناقتى قۇرىلعىعا بايلانعان نومىرلەردىڭ سانىن بىلۋگە مۇمكىندىك بەرەدى.

IMEI (International Mobile Equipment Identity) – بۇل ءاربىر ۇيالى بايلانىس قۇرىلعىسىنا بەرىلەتىن بىرەگەي 15 تاڭبالى ءنومىر. ول قۇرىلعىنىڭ ءوندىرۋشىسى، مودەلى جانە جاسالعان ەلى تۋرالى اقپاراتتى قامتيدى.

سەرۆيستىڭ كومەگىمەن پايدالانۋشىلار ءوز قۇرىلعىلارىنىڭ IMEI ستاتۋسىن تەكسەرە الادى. ەگەر IMEI-كود تىركەلگەن قۇرىلعىلار بازاسىندا بار بولسا، جۇيە ونىڭ جەلىدە تىركەلگەنى تۋرالى حابارلايدى. ەگەر كود بازادا تابىلماسا، جۇيە تەكسەرىس جۇرگىزىپ، كەلەسى اقپاراتتى كورسەتەدى: IMEI ءساتتى ۆەريفيكاتسيالانعان جانە قازاقستان رەسپۋبليكاسىندا قولدانۋعا بولادى نەمەسە IMEI ۆەريفيكاتسيالانباعان.

eGov Mobile ءموبيلدى قوسىمشاسى ارقىلى قىزمەتتى پايدالانۋ ءۇشىن پايدالانۋشى:

eGov Mobile قوسىمشاسىندا اۆتوريزاتسيادان ءوتۋ كەرەك;

باستى بەتتەگى «تانىمال قىزمەتتەر» بولىمىنەن «ابونەنتتىك قۇرىلعىنىڭ IMEI كودىن تەكسەرۋ» سەرۆيسىن تاڭداۋ قاجەت;

جەكە دەرەكتەرگە قول جەتكىزۋگە رۇقسات بەرۋ كەرەك;

تەكسەرۋدىڭ قولجەتىمدى ادىستەرىنىڭ ءبىرىن تاڭداپ، ناتيجەمەن تانىسۋ قاجەت.

www.gov.kz پورتالىندا قىزمەتتى پايدالانۋ ءۇشىن:

قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ سايتىنا ءوتۋ;

«ابونەنتتىك قۇرىلعىنىڭ IMEI كودىن تەكسەرۋ» سەرۆيسىنە سىلتەمە نەمەسە باننەر ارقىلى كىرۋ;

تەكسەرۋدىڭ قولجەتىمدى ادىستەرىنىڭ ءبىرىن تاڭداپ، ناتيجەمەن تانىسۋ.

imei.rfs.gov.kz پورتالىندا قىزمەتتى پايدالانۋ ءۇشىن:

rfs.gov.kz سايتىنا ءوتۋ;

تەكسەرۋدىڭ قولجەتىمدى ادىستەرىنىڭ ءبىرىن تاڭداپ، ناتيجەمەن تانىسۋ.

بۇدان بولەك، پايدالانۋشىلارعا جسن ارقىلى تەكسەرۋ فۋنكتسياسى دا قولجەتىمدى. ول ارقىلى ءوز جسن-ىنا قانشا ءموبيلدى ءنومىر تىركەلگەنىن بىلۋگە بولادى. سونداي-اق IMEI-كود بويىنشا ابونەنتتى تەكسەرۋ سەرۆيسى بار، ول بەلگىلى ءبىر قۇرىلعىنى قانشا ابونەنتتىك ءنومىر قولدانعانى جونىندە اقپارات بەرەدى.

قر ءتسدياوم ءباسپاسوز قىزمەتى