Jaŋa servis İdentifikasiialyq kodtar derekqory arqyly (İKD) IMEI-kodtyŋ tırkelgen-tırkelmegenın anyqtauǧa, sondai-aq naqty qūrylǧyǧa bailanǧan nömırlerdıŋ sanyn bıluge mümkındık beredı.

IMEI (International Mobile Equipment Identity) – būl ärbır ūialy bailanys qūrylǧysyna berıletın bıregei 15 taŋbaly nömır. Ol qūrylǧynyŋ öndıruşısı, modelı jäne jasalǧan elı turaly aqparatty qamtidy.

Servistıŋ kömegımen paidalanuşylar öz qūrylǧylarynyŋ IMEI statusyn teksere alady. Eger IMEI-kod tırkelgen qūrylǧylar bazasynda bar bolsa, jüie onyŋ jelıde tırkelgenı turaly habarlaidy. Eger kod bazada tabylmasa, jüie tekserıs jürgızıp, kelesı aqparatty körsetedı: IMEI sättı verifikasiialanǧan jäne Qazaqstan Respublikasynda qoldanuǧa bolady nemese IMEI verifikasiialanbaǧan.

eGov Mobile mobildı qosymşasy arqyly qyzmettı paidalanu üşın paidalanuşy:

eGov Mobile qosymşasynda avtorizasiiadan ötu kerek;

basty bettegı «Tanymal qyzmetter» bölımınen «Abonenttık qūrylǧynyŋ IMEI kodyn tekseru» servisın taŋdau qajet;

jeke derekterge qol jetkızuge rūqsat beru kerek;

tekserudıŋ qoljetımdı ädısterınıŋ bırın taŋdap, nätijemen tanysu qajet.

www.gov.kz portalynda qyzmettı paidalanu üşın:

Qazaqstan Respublikasynyŋ Sifrlyq damu, innovasiialar jäne aeroǧaryş önerkäsıbı ministrlıgınıŋ saityna ötu;

«Abonenttık qūrylǧynyŋ IMEI kodyn tekseru» servisıne sılteme nemese banner arqyly kıru;

tekserudıŋ qoljetımdı ädısterınıŋ bırın taŋdap, nätijemen tanysu.

imei.rfs.gov.kz portalynda qyzmettı paidalanu üşın:

rfs.gov.kz saityna ötu;

tekserudıŋ qoljetımdı ädısterınıŋ bırın taŋdap, nätijemen tanysu.

Būdan bölek, paidalanuşylarǧa JSN arqyly tekseru funksiiasy da qoljetımdı. Ol arqyly öz JSN-yna qanşa mobildı nömır tırkelgenın bıluge bolady. Sondai-aq IMEI-kod boiynşa abonenttı tekseru servisı bar, ol belgılı bır qūrylǧyny qanşa abonenttık nömır qoldanǧany jönınde aqparat beredı.

QR SDİAÖM baspasöz qyzmetı