ن.بەكەجانوۆ اتىنداعى دراما تەاتردا تەمىرجول كولىگى قىزمەتكەرلەرى كۇنىنە ارنالعان سالتاناتتى شارا ءوتتى. وعان وبلىس اكىمى مۇرات ەرگەشباەۆ قاتىسىپ، سالا ارداگەرلەرى مەن قىزمەتكەرلەرىن كاسىبي مەرەكەمەن قۇتتىقتادى. 

مەملەكەت باسشىسىنىڭ كولىك-لوگيستيكا ينفراقۇرىلىمىن دامىتۋ جونىندەگى تاپسىرمالارىنا توقتالىپ، تەمىرجول سالاسىنىڭ ەل ەكونوميكاسىنداعى ستراتەگيالىق ماڭىزىن اتاپ ءوتتى.

«پرەزيدەنت قاسىم-جومارت كەمەلۇلى: «جول - تىرشىلىك كوزى. تەمىرجول بولماسا، ەكونوميكا دامىمايدى. ءبىز كولىك-لوگيستيكا ينفراقۇرىلىمىن دامىتۋعا ەرەكشە ءمان بەرەمىز»، - دەپ سالانى وركەندەتۋدى ستراتەگيالىق باسىمدىق رەتىندە ايقىنداعان بولاتىن.

بۇگىندە ەلىمىزدە مىڭداعان شاقىرىم جاڭا تەمىرجول جەلىلەرى سالىنىپ، وتكىزۋ مۇمكىندىگى ارتۋدا. سىر بويىنداعى بولات جولدىڭ تاريحى تەرەڭدە جاتىر.

بۇگىندە وبلىستىڭ تەمىرجول كەشەنى زامان تالابىنا ساي جاڭارىپ كەلەدى. ستانتسيالار مەن جول بويىنداعى نىساندار اۆتوماتتاندىرىلىپ، تسيفرلىق جۇيەگە كوشۋدە. 2024 جىلى 600 ملن. تەڭگەدەن استام قارجىعا قىزىلوردا تەمىرجول ۆوكزالى عيماراتى كۇردەلى جوندەلىپ، ىرگەلەس اۋماعى اباتتاندىرىلدى.

پرەزيدەنتىمىزدىڭ تاپسىرماسىنا سايكەس، رەسپۋبليكا بويىنشا 124 تەمىرجول ۆوكزالى قايتا جاڭعىرتۋدان وتۋدە.

سونىڭ ىشىندە 10 جوبا ءبىزدىڭ وبلىسىمىزدا ىسكە اسىپ جاتىر.

جاقىندا عانا قازالى، شيەلى، جاڭاقورعان، سەكسەۋىل تەمىرجول ۆوكزالدارى مەن تالاپ بەكەتىندەگى جولاۋشىلار پلاتفورماسى حالىق يگىلىگىنە تابىستالدى.

ارال، تورەتام، جوسالى تەمىرجول ۆوكزالدارىنداعى، تەرەڭوزەك پەن جالاعاش قىزمەت كورسەتۋ پۋنكتتەرىندەگى جۇمىس كەزەڭ-كەزەڭىمەن اياقتالىپ كەلەدى.

بيىل وڭىرىمىزدە 80 شاقىرىمنان استام تەمىرجولعا كۇردەلى جوندەۋ جۇرگىزىلىپ جاتىر.

تەمىرجول - ەڭ الدىمەن، جوعارى جاۋاپكەرشىلىك پەن تەمىردەي ءتارتىپتى تالاپ ەتەتىن سالا. جازدىڭ ىستىعى مەن قىستىڭ ايازىنا قاراماستان، بولات جولدىڭ بويىندا ۇزدىكسىز قىزمەت ەتىپ جۇرگەن ءاربىر قىزمەتكەردىڭ ەڭبەگى زور قۇرمەتكە لايىق. سىزدەرگە بارشا سىر جۇرتشىلىعىنىڭ اتىنان شىنايى العىسىمدى بىلدىرەمىن. بارشاڭىزعا مىقتى دەنساۋلىق، وتباسىلارىڭىزعا اماندىق، جاۋاپتى دا مارتەبەلى جۇمىستارىڭىزعا ساتتىلىك تىلەيمىن»، - دەدى مۇرات نالقوجاۇلى.

سالتاناتتى شارادا تەمىرجول سالاسىنىڭ بىرقاتار قىزمەتكەرى وبلىس اكىمىنىڭ العىس حاتىمەن، «قىزىلوردا وبلىسىنىڭ دامۋىنا قوسقان ۇلەسى ءۇشىن» توسبەلگىسىمەن، كولىك مينيسترلىگىنىڭ «قۇرمەتتى تەمىرجولشى»، «قازاقستان تەمىر جولى» ۇلتتىق كومپانياسى» اكتسيونەرلىك قوعامىنىڭ «ادال ەڭبەگى ءۇشىن»، «كاسىبى بويىنشا ۇزدىك»، «ۇزدىك جاس مامان»، «ۇزدىك جول شەبەرى»، «ۇزدىك بايلانىسشى» توسبەلگىلەرىمەن، قۇرمەت گراموتاسىمەن جانە III دارەجەلى «تەمىرجولشى داڭقى» مەدالىمەن ماراپاتتالدى.

جيىندا «قازاقستان تەمىر جولى» ۇلتتىق كومپانياسى» اكتسيونەرلىك قوعامى قىزىلوردا ماگيسترالدىق جەلى بولىمشەسى فيليالىنىڭ ديرەكتورى باتىرحان بازارباەۆ ءسوز سويلەپ، ارىپتەستەرىن كاسىبي مەرەكەمەن قۇتتىقتادى.

قازىرگى تاڭدا ءوڭىردىڭ تەمىرجول سالاسىندا 7 مىڭنان استام مامان ەڭبەك ەتەدى. وبلىس ارقىلى وتەتىن جۇك پەن جولاۋشىلار لەگى، سىر ءوڭىرىنىڭ ترانزيتتىك الەۋەتى جىل سايىن ارتۋدا. 

ايماقتان «باتىس ەۋروپا – باتىس قىتاي» حالىقارالىق كولىك دالىزىمەن قاتار، ۇزىندىعى مىڭ شاقىرىمنان اساتىن ماگيسترالدىق تەمىرجول جەلىلەرى وتەدى، 15 جولاۋشىلار پويىزى قاتىنايدى. جىل باسىنان بەرى 550 مىڭنان استام جولاۋشى تاسىمالدانىپ، 9 ميلليون توننادان استام جۇك جەتكىزىلدى.

بيىل مامىر ايىندا جىلىنا 600-دەن استام ۆاگونعا تەحنيكالىق قىزمەت كورسەتەتىن «مارال نۇر» جاۋاپكەرشىلىگى شەكتەۋلى سەرىكتەستىگىنىڭ جاڭا كەشەنى پايدالانۋعا بەرىلىپ، 100 جاڭا جۇمىس ورنى قۇرىلدى. 

سونىمەن قاتار قىتايلىق «CRRC» كومپانياسىمەن بىرلەسىپ، زاماناۋي جولاۋشىلار ۆاگوندارىن قۇراستىرۋ جوباسىن ىسكە اسىرۋ پىسىقتالۋدا.

قىزىلوردا وبلىسى اكىمىنىڭ ءباسپاسوز قىزمەتى