فورۋمعا قىزىلوردا قالاسى مەن اۋدان اكىمدەرى، جاۋاپتى سالا باسشىلارى، ءبىلىم، دەنساۋلىق ساقتاۋ، مادەنيەت، سپورت سالالارىنىڭ ماماندارى، زيالى قاۋىم، بەلسەندى جاستار ۇيىمدارىنىڭ وكىلدەرى قاتىستى.
ايماق باسشىسى قوعامداعى كۇردەلى ماسەلەلەردى تالقىلاپ، الداعى بىرلەسكەن ماڭىزدى مىندەتتەردى ايقىنداۋ ماقساتىندا اتقارىلاتىن جۇمىستارعا توقتالدى.
«تسيفرلىق شەشىمدەر جىلدام دامىعان ۋاقىتتا ازاماتتارىمىزدىڭ قۇقىقتارىن قورعاۋدىڭ، قارجىلىق ساۋاتتىلىعىن، قۇقىقتىق مادەنيەتىن قالىپتاستىرۋدىڭ ماڭىزدىلىعى ارتتى.
پرەزيدەنتىمىز قاسىم-جومارت كەمەلۇلى حالىققا ارناعان جولداۋىندا: «ءبىزدىڭ قوعامىمىزدا زاڭ مەن ءتارتىپ ۇستەمدىك قۇرۋعا ءتيىس. بۇل – بۇكىل قوعامنىڭ، ءار ادامنىڭ قاۋىپسىزدىگىن قامتاماسىز ەتۋگە قاتىستى ەڭ باستى تالاپ. ءبىز سوندا عانا ادىلەتتى، تازا، قاۋىپسىز قازاقستاندى قۇرا الامىز»، - دەپ ناقتى مىندەتتەردى بەلگىلەگەن بولاتىن.
بيىل 1 ساۋىردە ۇكىمەت قاۋلىسىمەن «قوعامدا زاڭ مەن ءتارتىپ يدەولوگياسىن ىلگەرىلەتۋ جونىندەگى 2025 – 2030 جىلدارعا ارنالعان تۇجىرىمداما» بەكىتىلىپ، ناقتى مىندەتتەر بەلگىلەندى. وڭىرىمىزدە مەملەكەت باسشىمىزدىڭ «زاڭ مەن ءتارتىپ» قاعيداسىن ىسكە اسىرۋدا قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتىمەن بىرلەسىپ، كەشەندى شارالاردى قولعا الدىق. جاڭا باستامالارعا ءاردايىم قولداۋ كورسەتىپ كەلەمىز.
زاماناۋي مۇمكىندىكتەردى ءوز پايداسىنا اسىرعان الاياقتار جاساعان قىلمىستار ازاماتتاردىڭ لايىقتى ءومىر سۇرۋىنە تەرىس اسەر ەتۋدە. ءتۇرلى گادجەت مەن سمارتفونداعى باعدارلامالاردىڭ كومەگىمەن جاسالاتىن الاياقتىق، كيبەرشابۋىلدار سحەماسى ءسات سايىن وزگەرىپ، قادامدارى جاڭارىپ بارادى. حالىقتىڭ قارجىلىق قاۋىپسىزدىگى ءۇشىن قارجىلىق پيراميدالار، قۇمار ويىندارعا تاۋەلدىلىك، ينتەرنەت-الاياقتىق، دروپپەرلىك قىلمىستاردىڭ الدىن الۋدا ۋاقىتىلى، ءتيىستى شەشىمدەر قابىلداۋدىڭ ماڭىزدىلىعى ارتتى. ءبىر قاراعاندا جەكە ادامنىڭ ماسەلەسى سەكىلدى كورىنۋى مۇمكىن. بۇل - تۇتاس قوعامعا، ءاربىر وتباسىعا، ۇرپاعىمىزدىڭ بولاشاعىنا اسەر ەتەتىن قاۋىپ-قاتەر.
ءبىز اشىقتىق قاعيداتىنا سايكەس، قالا، اۋدانداردا حالىقتىڭ وزەكتى ماسەلەلەرى بويىنشا قۇقىق قورعاۋ ورگاندارىنىڭ ءبىرىنشى باسشىلارىمەن بىرگە قوعامدىق قابىلداۋلاردى تۇراقتى وتكىزىپ كەلەمىز. بۇل ءوز كەزەگىندە تۇرعىنداردىڭ مەملەكەتتىك ورگاندارعا دەگەن سەنىمىن ارتتىرىپ، ادىلەتتى قوعام قۇرۋعا وڭ ىقپال ەتتى. ەلىمىزدە زاڭسىز ويىن بيزنەسى مەن لۋدومانياعا قارسى ءىس-قيمىل جونىندەگى زاڭ قابىلدانىپ، كەشەندى شارالارعا جول اشىلدى. بۇل كەسەلمەن حالىق، الەۋمەت بولىپ كۇرەسۋىمىز كەرەك. لۋدومانيا دەرتىنە شالدىققان اداممەن پسيحولوگتار، ءدىن ماماندارى جۇمىس ىستەپ، جەڭىل جولمەن كەلگەن اقشا پايدا اكەلمەيتىنىن، تەك ادال ەڭبەكپەن تاپقان تابىستىڭ عانا بەرەكەسى بولاتىنىن ۇعىندىرۋىمىز قاجەت.
بۇگىنگى فورۋمدا ۇسىنىلعان تىڭ يدەيالار مەن جاڭا باستامالار جۇيەلى ىسكە ۇلاسىپ، ناقتى ناتيجەلەرگە باستايدى دەپ سەنەمىن. فورۋم جۇمىسىنا ساتتىلىك تىلەيمىن!»، - دەدى ن. نالىباەۆ.
باسقوسۋدا قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتى باسشىسىنىڭ ورىنباسارى رۋسلان ساتىبالديەۆ، ءدىنتانۋشى نۇرلان اسانوۆ، ايتىسكەر اقىن مۇحتار نيازوۆ، قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ باسشىسى اسلان كەڭەس بايانداما جاساپ، قارجىلىق ساۋاتتىلىقتىڭ ماڭىزدىلىعىنا توقتالدى. قوعام دەرتىنە اينالعان قۇمار ويىنعا اۋەستىكتىڭ قاۋىپتى ەكەنىن ايتتى.
ءىس-شارادا وبلىس تۇرعىندارىنىڭ قارجىلىق ساۋاتتىلىعىن ارتتىرۋ، قارجى پيراميدالارى مەن لۋدومانياعا قارسى كۇرەستىڭ الدىن الۋ باعىتىندا بەلسەندى ءارى ناتيجەلى ەڭبەك ەتكەن ازاماتتار وبلىس اكىمىنىڭ العىس حاتىمەن ماراپاتتالدى.
قىزىلوردا وبلىسى اكىمىنىڭ ءباسپاسوز قىزمەتى
