Forumǧa Qyzylorda qalasy men audan äkımderı, jauapty sala basşylary, bılım, densaulyq saqtau, mädeniet, sport salalarynyŋ mamandary, ziialy qauym, belsendı jastar ūiymdarynyŋ ökılderı qatysty.
Aimaq basşysy qoǧamdaǧy kürdelı mäselelerdı talqylap, aldaǧy bırlesken maŋyzdy mındetterdı aiqyndau maqsatynda atqarylatyn jūmystarǧa toqtaldy.
«Sifrlyq şeşımder jyldam damyǧan uaqytta azamattarymyzdyŋ qūqyqtaryn qorǧaudyŋ, qarjylyq sauattylyǧyn, qūqyqtyq mädenietın qalyptastyrudyŋ maŋyzdylyǧy artty.
Prezidentımız Qasym-Jomart Kemelūly halyqqa arnaǧan Joldauynda: «Bızdıŋ qoǧamymyzda zaŋ men tärtıp üstemdık qūruǧa tiıs. Būl – bükıl qoǧamnyŋ, är adamnyŋ qauıpsızdıgın qamtamasyz etuge qatysty eŋ basty talap. Bız sonda ǧana Ädılettı, Taza, Qauıpsız Qazaqstandy qūra alamyz», - dep naqty mındetterdı belgılegen bolatyn.
Biyl 1 säuırde Ükımet qaulysymen «Qoǧamda zaŋ men tärtıp ideologiiasyn ılgerıletu jönındegı 2025 – 2030 jyldarǧa arnalǧan tūjyrymdama» bekıtılıp, naqty mındetter belgılendı. Öŋırımızde Memleket basşymyzdyŋ «Zaŋ men Tärtıp» qaǧidasyn ıske asyruda Qyzylorda oblysy boiynşa ekonomikalyq tergep-tekseru departamentımen bırlesıp, keşendı şaralardy qolǧa aldyq. Jaŋa bastamalarǧa ärdaiym qoldau körsetıp kelemız.
Zamanaui mümkındıkterdı öz paidasyna asyrǧan alaiaqtar jasaǧan qylmystar azamattardyŋ laiyqty ömır süruıne terıs äser etude. Türlı gadjet men smartfondaǧy baǧdarlamalardyŋ kömegımen jasalatyn alaiaqtyq, kiberşabuyldar shemasy sät saiyn özgerıp, qadamdary jaŋaryp barady. Halyqtyŋ qarjylyq qauıpsızdıgı üşın qarjylyq piramidalar, qūmar oiyndarǧa täueldılık, internet-alaiaqtyq, dropperlık qylmystardyŋ aldyn aluda uaqytyly, tiıstı şeşımder qabyldaudyŋ maŋyzdylyǧy artty. Bır qaraǧanda jeke adamnyŋ mäselesı sekıldı körınuı mümkın. Būl - tūtas qoǧamǧa, ärbır otbasyǧa, ūrpaǧymyzdyŋ bolaşaǧyna äser etetın qauıp-qater.
Bız aşyqtyq qaǧidatyna säikes, qala, audandarda halyqtyŋ özektı mäselelerı boiynşa qūqyq qorǧau organdarynyŋ bırınşı basşylarymen bırge qoǧamdyq qabyldaulardy tūraqty ötkızıp kelemız. Būl öz kezegınde tūrǧyndardyŋ memlekettık organdarǧa degen senımın arttyryp, ädılettı qoǧam qūruǧa oŋ yqpal ettı. Elımızde zaŋsyz oiyn biznesı men ludomaniiaǧa qarsy ıs-qimyl jönındegı zaŋ qabyldanyp, keşendı şaralarǧa jol aşyldy. Būl keselmen halyq, äleumet bolyp küresuımız kerek. Ludomaniia dertıne şaldyqqan adammen psihologtar, dın mamandary jūmys ıstep, jeŋıl jolmen kelgen aqşa paida äkelmeitının, tek adal eŋbekpen tapqan tabystyŋ ǧana berekesı bolatynyn ūǧyndyruymyz qajet.
Bügıngı forumda ūsynylǧan tyŋ ideialar men jaŋa bastamalar jüielı ıske ūlasyp, naqty nätijelerge bastaidy dep senemın. Forum jūmysyna sättılık tıleimın!», - dedı N. Nälıbaev.
Basqosuda Qyzylorda oblysy boiynşa ekonomikalyq tergep-tekseru departamentı basşysynyŋ orynbasary Ruslan Satybaldiev, dıntanuşy Nūrlan Asanov, aitysker aqyn Mūhtar Niiazov, Qyzylorda oblysy boiynşa ekonomikalyq tergep-tekseru departamentınıŋ basşysy Aslan Keŋes baiandama jasap, qarjylyq sauattylyqtyŋ maŋyzdylyǧyna toqtaldy. Qoǧam dertıne ainalǧan qūmar oiynǧa äuestıktıŋ qauıptı ekenın aitty.
Is-şarada oblys tūrǧyndarynyŋ qarjylyq sauattylyǧyn arttyru, qarjy piramidalary men ludomaniiaǧa qarsy kürestıŋ aldyn alu baǧytynda belsendı ärı nätijelı eŋbek etken azamattar oblys äkımınıŋ Alǧys hatymen marapattaldy.
Qyzylorda oblysy äkımınıŋ baspasöz qyzmetı
