قۇجاتتا ەلىمىزدىڭ سپورت سالاسىندا جاڭا ىرىكتەۋ جۇيەسىن ەنگىزۋ قاراستىرىلعان. زاڭ جوباسىنا سايكەس، باسىم سپورت تۇرلەرى ولاردىڭ الەمدىك رەيتينگتەرى نەگىزىندە ەمەس، وليمپيادا، پاراليمپيادا، سۋردليمپيا، ازيا جانە پارا ازيا ويىندارىندا ۇلتتىق قۇراما كوماندالارىنىڭ كورسەتكەن ناتيجەلەرى بويىنشا ىرىكتەلەتىن بولادى، دەلىنگەن ۆەدومستۆونىڭ ءباسپاسوز قىزمەتى تاراتقان اقپاراتتا.⠀
بۇل وزگەرىس قازاقستاننىڭ سپورتتىق قۇرامالارىن دايىنداۋداعى باسىمدىقتاردى ناقتىلايدى جانە حالىقارالىق دەڭگەيدەگى ناتيجەلەرگە نەگىزدەلگەن جۇيەنى قالىپتاستىرۋعا مۇمكىندىك بەرەدى. وسىلايشا، ەلىمىزدىڭ سپورتشىلارىن حالىقارالىق ارەنالاردا باسەكەگە قابىلەتتى ەتۋ ءۇشىن ناقتى جانە ناتيجەگە باعىتتالعان ساياسات جۇزەگە اسىرىلماق.⠀
«بۇل زاڭ جوباسى سپورت سالاسىنداعى جاڭاشىلدىقتاردى ەنگىزۋدى، تيىمدىلىكتى ارتتىرۋدى جانە قازاقستاننىڭ سپورتتىق قۇراماسىنىڭ حالىقارالىق جارىستاردا جوعارى ناتيجەلەر كورسەتۋىن قامتاماسىز ەتۋگە باعىتتالعان. ءبىز وليمپيادا، پاراليمپيادا، سۋردليمپيا، ازيا جانە پارا ازيا ويىندارىنداعى ناتيجەلەردى باستى باعدار رەتىندە الىپ، ەلىمىزدىڭ سپورت سالاسىن جاڭا دەڭگەيگە كوتەرۋدى كوزدەپ وتىرمىز»، – دەپ اتاپ ءوتتى تۋريزم جانە سپورت ءمينيسترى ەربول مىرزابوسىنوۆ.⠀
زاڭ جوباسىنىڭ قابىلدانۋى سپورتتى دامىتۋ جۇيەسىن جەتىلدىرىپ، قازاقستاننىڭ الەمدىك سپورت ارەنادا وزىق جەتىستىكتەرگە قول جەتكىزۋىن قامتاماسىز ەتەدى.
فوتو اشىق دەرەككوزدەردەن
