Qūjatta elımızdıŋ sport salasynda jaŋa ırıkteu jüiesın engızu qarastyrylǧan. Zaŋ jobasyna säikes, basym sport türlerı olardyŋ älemdık reitingterı negızınde emes, Olimpiada, Paralimpiada, Surdlimpia, Aziia jäne Para Aziia oiyndarynda ūlttyq qūrama komandalarynyŋ körsetken nätijelerı boiynşa ırıkteletın bolady, delıngen vedomstvonyŋ baspasöz qyzmetı taratqan aqparatta.⠀

Būl özgerıs Qazaqstannyŋ sporttyq qūramalaryn daiyndaudaǧy basymdyqtardy naqtylaidy jäne halyqaralyq deŋgeidegı nätijelerge negızdelgen jüienı qalyptastyruǧa mümkındık beredı. Osylaişa, elımızdıŋ sportşylaryn halyqaralyq arenalarda bäsekege qabılettı etu üşın naqty jäne nätijege baǧyttalǧan saiasat jüzege asyrylmaq.⠀

«Būl zaŋ jobasy sport salasyndaǧy jaŋaşyldyqtardy engızudı, tiımdılıktı arttyrudy jäne Qazaqstannyŋ sporttyq qūramasynyŋ halyqaralyq jarystarda joǧary nätijeler körsetuın qamtamasyz etuge baǧyttalǧan. Bız Olimpiada, Paralimpiada, Surdlimpia, Aziia jäne Para Aziia oiyndaryndaǧy nätijelerdı basty baǧdar retınde alyp, elımızdıŋ sport salasyn jaŋa deŋgeige köterudı közdep otyrmyz», – dep atap öttı Turizm jäne sport ministrı Erbol Myrzabosynov.⠀

Zaŋ jobasynyŋ qabyldanuy sportty damytu jüiesın jetıldırıp, Qazaqstannyŋ älemdık sport arenada ozyq jetıstıkterge qol jetkızuın qamtamasyz etedı.

Foto aşyq derekközderden