ۇيىمداستىرۋشىلاردىڭ ايتۋىنشا، قاتىسۋعا نيەتتى كەز كەلگەن ادام جاسىنا نەمەسە دايىندىق دەڭگەيىنە قاراماستان قاتىسا الادى.

«بۇگىندە سپورتقا كوڭىل بولەتىن قالا تۇرعىندارىنىڭ قاتارى ارتىپ كەلەدى، ال سكانديناۆيالىق ءجۇرىس قولجەتىمدىلىگى مەن دەنساۋلىققا پايداسىنىڭ ارقاسىندا ەڭ تانىمال باعىتتاردىڭ بىرىنە اينالۋدا. ەكى اي بويى قاتىسۋشىلار تازا اۋادا تەگىن جاتتىعا الادى. تىركەۋ تالاپ ەتىلمەيدى، ال ءار قاتىسۋشىعا سكانديناۆيالىق جۇرىسكە ارنالعان تاياقتار بەرىلەدى.

بۇل جوبا كوتەرىڭكى كوڭىل-كۇي، جاڭا تانىستىق پەن سالاۋاتتى ءومىر سالتىنا سەنىمدى قادام سىيلايدى دەپ ۇمىتتەنەمىز»، — دەدى استانا قالاسىنىڭ دەنە شىنىقتىرۋ جانە سپورت باسقارماسىنىڭ ءباسپاسوز حاتشىسى مادينا ايتقاليەۆا.

جاتتىعۋلار اپتا سايىن سارسەنبى، جۇما جانە جەكسەنبى كۇندەرى ساعات 19:00-دەن 20:00-گە دەيىن وتەدى.

ءباسپاسوز حاتشىسىنىڭ ايتۋىنشا، قاتىسۋ تەگىن، الدىن الا تىركەۋ قاجەت ەمەس. جاتتىعۋ ورنىنا كەلگەن قاتىسۋشىلاردى ينسترۋكتور قارسى الىپ، ءجۇرىس تەحنيكاسىن مەڭگەرۋگە كومەكتەسىپ، توپتى بەلگىلەنگەن باعىت بويىنشا باستاپ جۇرەدى.

جاتتىعۋ وتەتىن ورىندار:

• سارىارقا اۋدانى – «يوگا» ساياباعى، مامبەتوۆ كوشەسى، 1 (جينالۋ ورنى: بەيبىتشىلىك جانە بۇقارباي باتىر كوشەلەرىنىڭ قيىلىسى)

• ەسىل اۋدانى – «جەتىسۋ» ساياباعى (جينالۋ ورنى: شارىن شاتقالى ماڭىندا)

• نۇرا اۋدانى – ورتالىق قالالىق ساياباق (جينالۋ ورنى: شاڭعى-روللەر جولى)

• الماتى اۋدانى – «جەرۇيىق» ساياباعى (مومىشۇلى كوشەسى جاعىنان كىرەبەرىس); ترياتلون ساياباعى (جينالۋ ورنى: كوپىر جاعىنداعى پوليتسيا پۋنكتى)

• سارايشىق اۋدانى – پرەزيدەنتتىك ساياباق (جينالۋ ورنى: احمەت بايتۇرسىنۇلى كوشەسى، 1ب)

استانا قالاسىنىڭ دەنە شىنىقتىرۋ جانە سپورت باسقارماسىنىڭ رەسمي سايتىنان جانە سپورتتىق-بۇقارالىق ءىس-شارالار ديرەكتسياسىنىڭ الەۋمەتتىك جەلىدەگى پاراقشالارىنان تولىق اقپارات پەن وزەكتى كەستەمەن تانىسۋعا بولادى.

قوسىمشا سۇراقتار بويىنشا كولل-ورتالىق ءنومىرى: +7 747 095 78 62.