Ūiymdastyruşylardyŋ aituynşa, qatysuǧa niettı kez kelgen adam jasyna nemese daiyndyq deŋgeiıne qaramastan qatysa alady.

«Bügınde sportqa köŋıl böletın qala tūrǧyndarynyŋ qatary artyp keledı, al skandinaviialyq jürıs qoljetımdılıgı men densaulyqqa paidasynyŋ arqasynda eŋ tanymal baǧyttardyŋ bırıne ainaluda. Ekı ai boiy qatysuşylar taza auada tegın jattyǧa alady. Tırkeu talap etılmeidı, al är qatysuşyǧa skandinaviialyq jürıske arnalǧan taiaqtar berıledı.

Būl joba köterıŋkı köŋıl-küi, jaŋa tanystyq pen salauatty ömır saltyna senımdı qadam syilaidy dep ümıttenemız», — dedı Astana qalasynyŋ Dene şynyqtyru jäne sport basqarmasynyŋ baspasöz hatşysy Madina Aitqalieva.

Jattyǧular apta saiyn särsenbı, jūma jäne jeksenbı künderı saǧat 19:00-den 20:00-ge deiın ötedı.

Baspasöz hatşysynyŋ aituynşa, qatysu tegın, aldyn ala tırkeu qajet emes. Jattyǧu ornyna kelgen qatysuşylardy instruktor qarsy alyp, jürıs tehnikasyn meŋgeruge kömektesıp, topty belgılengen baǧyt boiynşa bastap jüredı.

Jattyǧu ötetın oryndar:

• Saryarqa audany – «Ioga» saiabaǧy, Mämbetov köşesı, 1 (jinalu orny: Beibıtşılık jäne Būqarbai batyr köşelerınıŋ qiylysy)

• Esıl audany – «Jetısu» saiabaǧy (jinalu orny: Şaryn şatqaly maŋynda)

• Nūra audany – Ortalyq qalalyq saiabaq (jinalu orny: şaŋǧy-roller joly)

• Almaty audany – «Jerūiyq» saiabaǧy (Momyşūly köşesı jaǧynan kıreberıs); Triatlon saiabaǧy (jinalu orny: köpır jaǧyndaǧy polisiia punktı)

• Saraişyq audany – Prezidenttık saiabaq (jinalu orny: Ahmet Baitūrsynūly köşesı, 1B)

Astana qalasynyŋ Dene şynyqtyru jäne sport basqarmasynyŋ resmi saitynan jäne Sporttyq-būqaralyq ıs-şaralar direksiiasynyŋ äleumettık jelıdegı paraqşalarynan tolyq aqparat pen özektı kestemen tanysuǧa bolady.

Qosymşa sūraqtar boiynşa koll-ortalyq nömırı: +7 747 095 78 62.