بيىل باعدارلاماعا قاتىسۋعا وتىنىمدەر سانى بويىنشا اقمولا وبلىسى كوش باستاپ تۇر. تۋريزم سالاسىنداعى 16 كاسىپكەر ءوز بيزنەسىنىڭ ۇلتتىق جانە حالىقارالىق ساپا ستاندارتتارىنا سايكەستىگىن راستاۋعا نيەتتى. الماتى قالاسى بەلسەندىلىك بويىنشا ەكىنشى ورىندا - 8 ءوتىنىم جولداندى. ۇزدىك ۇشتىكتى جەتىسۋ وبلىسى تۇيىندەيدى. سولتۇستىك قازاقستان، ماڭعىستاۋ، تۇركىستان جانە اباي وبلىستارىنداعى تۋريزم سالاسىنىڭ بىرنەشە وكىلى دە «ساپا بەلگىسىنە» ۇمىتكەر بولىپ وتىر. «ءبىز وڭىرلىك كاسىپكەرلەر پالاتالارى مەن مەملەكەتتىك ورگاندار وكىلدەرىنەن قۇرالعان جۇمىس توبىن قۇردىق. ولار تۋريستىك نىساندارعا بارىپ، كەشەندى تەكسەرىس جۇرگىزۋدە. مىندەتتى جانە قوسىمشا ستاندارتتاردىڭ ساقتالۋىن باعالاۋ نىگىزىندە ساپا بەلگىسىن بەرۋ تۋرالى شەشىم قابىلدانادى. ساپا بەلگىسى بەرىلگەننەن كەيىن وبەكتىلەرگە تۇراقتى مونيتورينگ جۇرگىزىلەتىنىن اتاپ وتكىم كەلەدى. بۇل قىزمەت كورسەتۋ ساپاسىنىڭ ءتيىستى دەڭگەيىن جانە جوعارى ستاندارتتاردى ساقتاۋعا مۇمكىندىك بەرەدى»، – دەپ اتاپ ءوتتى «Kazakh Tourism» ۇك» اق باسقارما توراعاسى قايرات سادۋاقاسوۆ.
2024 جىلعى «ساپا بەلگىسى» يەگەرلەرىنىڭ ەسىمدەرى 4 جەلتوقسان كۇنى بەلگىلى بولادى. اتاپ وتكەن ءجون، 2021 جىلى Kazakh Tourism قوناقجايلىلىق ستاندارتتارىن ارتتىرۋ جانە قازاقستاننىڭ تۋريستىك سالاسىن دامىتۋ ماقساتىندا «ساپا بەلگىسى» باعدارلاماسىن قولعا الدى. وعان ورنالاستىرۋ ورىندارى، قوعامدىق تاماقتانۋ پۋنكتتەرى جانە تۋروپەراتورلار ءتارىزدى تۋريستىك نىساندار مەن كاسىپورىندار قاتىسا الادى. «ساپا بەلگىسى» سەنىمدىلىك پەن جوعارى ساپالى قىزمەت كورسەتۋدىڭ نىشانى رەتىندە بيزنەسكە باسەكەگە قابىلەتتىلىكتى ارتتىرۋعا جانە تۇتىنۋشىلاردىڭ سەنىمىن نىعايتۋعا قولعابىس ەتەدى.
فوتو اشىق دەرەككوزدەردەن الىندى
