Biyl baǧdarlamaǧa qatysuǧa ötınımder sany boiynşa Aqmola oblysy köş bastap tūr. Turizm salasyndaǧy 16 käsıpker öz biznesınıŋ ūlttyq jäne halyqaralyq sapa standarttaryna säikestıgın rastauǧa niettı. Almaty qalasy belsendılık boiynşa ekınşı orynda - 8 ötınım joldandy. Üzdık üştıktı Jetısu oblysy tüiındeidı. Soltüstık Qazaqstan, Maŋǧystau, Türkıstan jäne Abai oblystaryndaǧy turizm salasynyŋ bırneşe ökılı de «Sapa belgısıne» ümıtker bolyp otyr. «Bız öŋırlık käsıpkerler palatalary men memlekettık organdar ökılderınen qūralǧan jūmys tobyn qūrdyq. Olar turistık nysandarǧa baryp, keşendı tekserıs jürgızude. Mındettı jäne qosymşa standarttardyŋ saqtaluyn baǧalau nıgızınde sapa belgısın beru turaly şeşım qabyldanady. Sapa belgısı berılgennen keiın obektılerge tūraqty monitoring jürgızıletının atap ötkım keledı. Būl qyzmet körsetu sapasynyŋ tiıstı deŋgeiın jäne joǧary standarttardy saqtauǧa mümkındık beredı», – dep atap öttı «Kazakh Tourism» ŪK» AQ basqarma töraǧasy Qairat Säduaqasov.  

2024 jylǧy «Sapa belgısı» iegerlerınıŋ esımderı 4 jeltoqsan künı belgılı bolady. Atap ötken jön, 2021 jyly Kazakh Tourism qonaqjailylyq standarttaryn arttyru jäne Qazaqstannyŋ turistık salasyn damytu maqsatynda «Sapa belgısı» baǧdarlamasyn qolǧa aldy. Oǧan ornalastyru oryndary, qoǧamdyq tamaqtanu punktterı jäne turoperatorlar tärızdı turistık nysandar men käsıporyndar qatysa alady. «Sapa belgısı» senımdılık pen joǧary sapaly qyzmet körsetudıŋ nyşany retınde bizneske bäsekege qabılettılıktı arttyruǧa jäne tūtynuşylardyŋ senımın nyǧaituǧa qolǧabys etedı.

Foto aşyq derekközderden alyndy