بۇگىن وبلىس اكىمى مۇرات ەرگەشباەۆ «Roca Group» كومپانياسىنىڭ باسشىسى دانيەل ەرناندەسپەن كەزدەستى. كەزدەسۋدە سانيتارلىق-تەحنيكالىق بۇيىمدار زاۋىتىن سالۋ جانە كومپانيانىڭ وندىرىستىك جوبالارىن جۇزەگە اسىرۋ ماسەلەلەرى تالقىلاندى.

بيىل تامىز ايىندا پرەمەر-ءمينيستردىڭ ءبىرىنشى ورىنباسارى نۇرلىبەك نالىباەۆتىڭ وبلىسقا جۇمىس ساپارى كەزىندە جىل سوڭىنا دەيىن سمەسيتەلدەر مەن ينستاللياتسيالىق جۇيەلەردى قۇراستىرۋ جەلىسىن ىسكە قوسۋ جوسپارلانعانىايتىلعان بولاتىن. قازىرگى تاڭدا قۇراستىرۋ تسەحىن ورنالاستىرۋ ءۇشىن «پانابەك» جانە «كولىك قۇرىلىس كومپانياسى» سەرىكتەستىكتەرىنىڭ وندىرىستىك عيماراتتارى ۇسىنىلدى.

سونىمەن قاتار «پانابەك» سەرىكتەستىگى سانيتارلىق-تەحنيكالىق بۇيىمداردى وندىرۋگە قاجەتتى مەتالل ينستاللياتسيالارىن ازىرلەپ، كومپانيا وكىلدەرىنە تانىستىردى. ءونىم ساپاسى «Roca Group» كومپانياسىنىڭ تالاپتارىنا سايكەس كەلگەن جاعدايدا، جەرگىلىكتى كاسىپكەرلەرمەن ءوزارا ءتيىمدى ارىپتەستىك ورناتۋ مۇمكىندىگى قاراستىرىلادى. 

جوبا اياسىندا جەرگىلىكتى قامتۋدى ارتتىرۋعا جانە كومپانيا ونىمدەرىن وڭىردەگى قۇرىلىس نىساندارىندا پايدالانۋعا باسىمدىق بەرىلەدى.

اتاپ ايتقاندا، الەۋمەتتىك نىساندارعا، پرەزيدەنت ساياباعى اۋماعىنداعى بەس جانە ءۇش جۇلدىزدى قوناقۇيلەرگە وسى بۇيىمدار قولدانىلادى. وبلىس اكىمدىگى وڭىردەگى ينۆەستيتسيالىق جوبالارعا جانە كومپانياعا جان-جاقتى قولداۋ كورسەتۋگە دايىن.

قىزىلوردا وبلىسى اكىمىنىڭ ءباسپاسوز قىزمەتى