Bügın oblys äkımı Mūrat Ergeşbaev «Roca Group» kompaniiasynyŋ basşysy Daniel Ernandespen kezdestı. Kezdesude sanitarlyq-tehnikalyq būiymdar zauytyn salu jäne kompaniianyŋ öndırıstık jobalaryn jüzege asyru mäselelerı talqylandy.

Biyl tamyz aiynda Premer-ministrdıŋ bırınşı orynbasary Nūrlybek Nälıbaevtyŋ oblysqa jūmys sapary kezınde jyl soŋyna deiın smesitelder men installiasiialyq jüielerdı qūrastyru jelısın ıske qosu josparlanǧanyaitylǧan bolatyn. Qazırgı taŋda qūrastyru sehyn ornalastyru üşın «Panabek» jäne «Kölık qūrylys kompaniiasy» serıktestıkterınıŋ öndırıstık ǧimarattary ūsynyldy.

Sonymen qatar «Panabek» serıktestıgı sanitarlyq-tehnikalyq būiymdardy öndıruge qajettı metall installiasiialaryn äzırlep, kompaniia ökılderıne tanystyrdy. Önım sapasy «Roca Group» kompaniiasynyŋ talaptaryna säikes kelgen jaǧdaida, jergılıktı käsıpkerlermen özara tiımdı ärıptestık ornatu mümkındıgı qarastyrylady. 

Joba aiasynda jergılıktı qamtudy arttyruǧa jäne kompaniia önımderın öŋırdegı qūrylys nysandarynda paidalanuǧa basymdyq berıledı.

Atap aitqanda, äleumettık nysandarǧa, Prezident saiabaǧy aumaǧyndaǧy bes jäne üş jūldyzdy qonaqüilerge osy būiymdar qoldanylady. Oblys äkımdıgı öŋırdegı investisiialyq jobalarǧa jäne kompaniiaǧa jan-jaqty qoldau körsetuge daiyn.

Qyzylorda oblysy äkımınıŋ baspasöz qyzmetı