وقۋشىلار حالىق اسپاپتارىن مەڭگەرۋ شەبەرلىگى، شەشەندىك ونەر، ءبىلىم سايىسى، ەسسە جازۋ، ايتىسكەر اقىندار سايىسى، سونداي-اق پوەزيا بايقاۋىندا باق سىناستى.  ««اقبەرەن» – جىل سايىن ەلىمىزدىڭ ەڭ شىعارماشىل جانە دارىندى وقۋشىلارىنىڭ باسىن قوسادى. بۇل تەك ونەر جارىسى عانا ەمەس، سونداي-اق ۇلتتىق قۇندىلىقتاردى دارىپتەۋدىڭ، وسكەلەڭ ۇرپاقتىڭ شىعارماشىلىق الەۋەتىن ارتتىرۋعا مۇمكىندىك بەرۋدىڭ جارقىن ۇلگىسى»، - دەپ اتاپ ءوتتى «دارىن» رعپو ديرەكتورى گاجدەمبەك تۇرسىنوۆ.

بارلىق كەزەڭنىڭ قورىتىندىسى بويىنشا 66 قاتىسۋشى جەڭىسكە جەتتى جانە ولار قر وقۋ-اعارتۋ مينيسترلىگىنىڭ ديپلومدارىمەن ماراپاتتالدى. سونىمەن قاتار «ەڭ ۇزدىك كوماندا» نوميناتسياسىندا ءى دارەجەلى ديپلومعا باتىس قازاقستان جانە ماڭعىستاۋ وبلىستارى، اباي اتىنداعى مەكتەپ-ينتەرناتى يە بولدى. سونداي-اق پاۆلودار وبلىسى مەن استانا قالاسى ءىى ورىندى، ال اباي، الماتى جانە جامبىل وبلىستارى ءىىى ورىندى يەلەندى. اتاپ ءوتۋ كەرەك، بۇگىنگى كۇنى ەلىمىزدە دارىندى بالالاردىڭ الەۋەتىن اشۋعا جانە قولداۋعا بەلسەندى تۇردە جاعداي جاسالىپ كەلەدى. ماسەلەن، زياتكەرلىك وليمپيادا جەڭىمپازدارىنا ءبىلىم گرانتتارى بەرىلەدى، ءتۇرلى وليمپيادالار مەن بايقاۋلار وتكىزىلىپ، دارىندى بالالارعا ارنالعان مامانداندىرىلعان مەكتەپتەرگە قابىلداۋعا كۆوتا بولىنەدى، سونداي-اق حالىقارالىق ينتەللەكتۋالدىق وليمپيادالاردىڭ جەڭىمپازدارىنا بىرجولعى اقشالاي سىياقى قاراستىرىلعان