Oquşylar halyq aspaptaryn meŋgeru şeberlıgı, şeşendık öner, bılım saiysy, esse jazu, aitysker aqyndar saiysy, sondai-aq poeziia baiqauynda baq synasty.  ««Aqberen» – jyl saiyn elımızdıŋ eŋ şyǧarmaşyl jäne daryndy oquşylarynyŋ basyn qosady. Būl tek öner jarysy ǧana emes, sondai-aq ūlttyq qūndylyqtardy därıpteudıŋ, öskeleŋ ūrpaqtyŋ şyǧarmaşylyq äleuetın arttyruǧa mümkındık berudıŋ jarqyn ülgısı», - dep atap öttı «Daryn» RǦPO direktory Gajdembek Tūrsynov.

Barlyq kezeŋnıŋ qorytyndysy boiynşa 66 qatysuşy jeŋıske jettı jäne olar QR Oqu-aǧartu ministrlıgınıŋ diplomdarymen marapattaldy. Sonymen qatar «Eŋ üzdık komanda» nominasiiasynda I därejelı diplomǧa Batys Qazaqstan jäne Maŋǧystau oblystary, Abai atyndaǧy mektep-internaty ie boldy. Sondai-aq Pavlodar oblysy men Astana qalasy II oryndy, al Abai, Almaty jäne Jambyl oblystary III oryndy ielendı. Atap ötu kerek, bügıngı künı elımızde daryndy balalardyŋ äleuetın aşuǧa jäne qoldauǧa belsendı türde jaǧdai jasalyp keledı. Mäselen, ziiatkerlık olimpiada jeŋımpazdaryna bılım granttary berıledı, türlı olimpiadalar men baiqaular ötkızılıp, daryndy balalarǧa arnalǧan mamandandyrylǧan mektepterge qabyldauǧa kvota bölınedı, sondai-aq halyqaralyq intellektualdyq olimpiadalardyŋ jeŋımpazdaryna bırjolǧy aqşalai syiaqy qarastyrylǧan