«مەملەكەت باسشىسىنىڭ باستاماسىمەن قۇرىلعان «قازاقستان حالقىنا» قورى ارقىلى سىر ەلىندە 4,8 ملرد. تەڭگەنىڭ دەنساۋلىق ساقتاۋ جوبالارى قارجىلاندىرىلدى. بۇل قارجىعا ارال، جاڭاقورعان اۋداندارى مەن قىزىلوردا قالاسىندا «قامقورلىق» وڭالتۋ ورتالىقتارى اشىلدى. وعان قوسا 1 ملرد. 100 ملن. تەڭگەگە سكرينينگ جۇرگىزۋگە ارنالعان جىلجىمالى مەديتسينالىق كەشەندەر الىندى. بۇگىندە كەشەندەر شالعاي ەلدى مەكەندەر تۇرعىندارىنا تۇراقتى مەديتسينالىق قىزمەت كورسەتۋدە. سىر ەلىنە قور ارقىلى كورسەتىلگەن قولداۋلار ءۇشىن جەرلەستەرىمىزدىڭ اتىنان العىس بىلدىرەمىز»، – دەدى ن.نالىباەۆ.

سونىمەن قاتار، قور قارجىسىنا سيرەك كەزدەسەتىن، ونكولوگيالىق جانە ونكوگەماتولوگيالىق اۋرۋعا شالدىققان ناۋقاستارعا ءدارى-دارمەك، پەريناتالدىق ورتالىق پەن اۋداندىق اۋرۋحانالارعا دياگنوستيكالىق لينزالار، وفتالموسكوپتار مەن وفتالمولوگيالىق لازەرلەر، باسقا دا قۇرال-جابدىقتار ساتىپ الىندى. قان تامىرلارى پاتولوگياسى بار بالالار ەمدەلدى. گەنەتيك، ۋدز مامانى، ترانسپلانتولوگيا ۇيلەستىرۋشىسى ءبىلىم جەتىلدىردى. كوز قابىعىن اۋىستىرۋدى قاجەت ەتەتىن ناۋقاستاردىڭ ەمىنە قارجى قارالدى.

باسقوسۋدا ءلاززات شىڭعىسباەۆا «قازاقستان حالقىنا» قوعامدىق قورى مەن قىزىلوردا وبلىسى اراسىنداعى جولعا قويىلعان تۇراقتى ارىپتەستىك بايلانىس ودان ءارى جالعاساتىنىن جەتكىزدى جانە الداعى ۋاقىتتا سىر وڭىرىندە جۇزەگە اسىرىلاتىن جوبالاردى تالقىلادى.

ايتا كەتەيىك، بۇگىن شيەلى اۋدانىنىڭ دوسبول بي اۋىلىندا «قازاقستان حالقىنا» قورىنىڭ قولداۋىمەن سالىنعان سپورت كەشەنىنىڭ اشىلۋ ءراسىمى ءوتتى.

ءباسپاسوز قىزمەتى