«Memleket basşysynyŋ bastamasymen qūrylǧan «Qazaqstan halqyna» qory arqyly Syr elınde 4,8 mlrd. teŋgenıŋ densaulyq saqtau jobalary qarjylandyryldy. Būl qarjyǧa Aral, Jaŋaqorǧan audandary men Qyzylorda qalasynda «Qamqorlyq» oŋaltu ortalyqtary aşyldy. Oǧan qosa 1 mlrd. 100 mln. teŋgege skrining jürgızuge arnalǧan jyljymaly medisinalyq keşender alyndy. Bügınde keşender şalǧai eldı mekender tūrǧyndaryna tūraqty medisinalyq qyzmet körsetude. Syr elıne qor arqyly körsetılgen qoldaular üşın jerlesterımızdıŋ atynan alǧys bıldıremız», – dedı N.Nälıbaev.

Sonymen qatar, qor qarjysyna sirek kezdesetın, onkologiialyq jäne onkogematologiialyq auruǧa şaldyqqan nauqastarǧa därı-därmek, perinataldyq ortalyq pen audandyq auruhanalarǧa diagnostikalyq linzalar, oftalmoskoptar men oftalmologiialyq lazerler, basqa da qūral-jabdyqtar satyp alyndy. Qan tamyrlary patologiiasy bar balalar emdeldı. Genetik, UDZ mamany, transplantologiia üilestıruşısı bılım jetıldırdı. Köz qabyǧyn auystyrudy qajet etetın nauqastardyŋ emıne qarjy qaraldy.

Basqosuda Läzzat Şyŋǧysbaeva «Qazaqstan halqyna» qoǧamdyq qory men Qyzylorda oblysy arasyndaǧy jolǧa qoiylǧan tūraqty ärıptestık bailanys odan ärı jalǧasatynyn jetkızdı jäne aldaǧy uaqytta Syr öŋırınde jüzege asyrylatyn jobalardy talqylady.

Aita keteiık, bügın Şielı audanynyŋ Dosbol bi auylynda «Qazaqstan halqyna» qorynyŋ qoldauymen salynǧan sport keşenınıŋ aşylu räsımı öttı.

Baspasöz qyzmetı