قوستاناي قالاسىنداعى ساۋدا-ويىن-ساۋىق ورتالىقتارىنىڭ بىرىندە رەسپۋبليكالىق "قۇقىقتىق ءتارتىپ" جەدەل-پروفيلاكتيكالىق ءىس-شاراسى بارىسىندا كوشى-قون پوليتسياسىنىڭ قىزمەتكەرلەرى ۋچاسكەلىك ينسپەكتورلارمەن بىرلەسىپ، شەتەل ازاماتتارىن ەڭبەك قىزمەتىنە زاڭسىز تارتۋ فاكتىسىن انىقتادى. انىقتالعانداي، 11 ەڭبەك ميگرانتى كوممەرتسيالىق ءۇي-جايدا ءتيىستى رۇقسات قۇجاتتارىنسىز مونتاجداۋ جۇمىستارىن جۇرگىزگەن. بارلىق قۇقىق بۇزۋشىلار ءارى قاراي ءمان-جايدى انىقتاۋ ءۇشىن پوليتسيا باسقارماسىنا جەتكىزىلدى. قازاقستان رەسپۋبليكاسىنىڭ كوشى-قون زاڭناماسىن بۇزعانى ءۇشىن، ياعني شەتەل ازاماتتارىنىڭ رۇقساتسىز ەڭبەك قىزمەتىن جۇزەگە اسىرعانى ءۇشىن، ولار جاۋاپكەرشىلىككە تارتىلادى. جاقىن ارادا سوت شەشىم قابىلدايدى، ونىڭ ىشىندە قۇقىق بۇزۋشىلاردى ەل اۋماعىنان شىعارۋ ماسەلەسى دە قارالادى. ايتا كەتۋ كەرەك، شەتەل ازاماتتارى وبلىس ورتالىعىنا كەلگەننەن كەيىن بىرنەشە كۇن ىشىندە انىقتالعان. سونىمەن قاتار جەرگىلىكتى اتقارۋشى ورگاننىڭ رۇقساتىنسىز شەتەلدىك جۇمىس كۇشىن پايدالانعانى ءۇشىن جۇمىس بەرۋشى دە اكىمشىلىك جاۋاپكەرشىلىككە تارتىلدى. كوشى-قون قىزمەتى باسقارماسىنىڭ باستىعى قايرات دۇتپاەۆتىڭ ايتۋىنشا، جىل باسىنان بەرى وبلىستا كوشى-قون زاڭناماسىنىڭ 1,5 مىڭنان استام بۇزۋشىلىعىنىڭ جولى كەسىلگەن.

اقپارات كوزى Polisia.kz سايتىندا: https://polisia.kz/qostanajda-ruqsatsyz-zhumys-istegen-sheteldik-zhumysshylar-ustaldy/