Qostanai qalasyndaǧy sauda-oiyn-sauyq ortalyqtarynyŋ bırınde respublikalyq "Qūqyqtyq tärtıp" jedel-profilaktikalyq ıs-şarasy barysynda köşı-qon polisiiasynyŋ qyzmetkerlerı uchaskelık inspektorlarmen bırlesıp, şetel azamattaryn eŋbek qyzmetıne zaŋsyz tartu faktısın anyqtady. Anyqtalǧandai, 11 eŋbek migranty kommersiialyq üi-jaida tiıstı rūqsat qūjattarynsyz montajdau jūmystaryn jürgızgen. Barlyq qūqyq būzuşylar ärı qarai män-jaidy anyqtau üşın polisiia basqarmasyna jetkızıldı. Qazaqstan Respublikasynyŋ köşı-qon zaŋnamasyn būzǧany üşın, iaǧni şetel azamattarynyŋ rūqsatsyz eŋbek qyzmetın jüzege asyrǧany üşın, olar jauapkerşılıkke tartylady. Jaqyn arada sot şeşım qabyldaidy, onyŋ ışınde qūqyq būzuşylardy el aumaǧynan şyǧaru mäselesı de qaralady. Aita ketu kerek, şetel azamattary oblys ortalyǧyna kelgennen keiın bırneşe kün ışınde anyqtalǧan. Sonymen qatar jergılıktı atqaruşy organnyŋ rūqsatynsyz şeteldık jūmys küşın paidalanǧany üşın jūmys beruşı de äkımşılık jauapkerşılıkke tartyldy. Köşı-qon qyzmetı basqarmasynyŋ bastyǧy Qairat Dütpaevtyŋ aituynşa, jyl basynan berı oblysta köşı-qon zaŋnamasynyŋ 1,5 myŋnan astam būzuşylyǧynyŋ joly kesılgen.

Aqparat közı Polisia.kz saitynda: https://polisia.kz/qostanajda-ruqsatsyz-zhumys-istegen-sheteldik-zhumysshylar-ustaldy/